Midangana ny saran’ny famandrihana apetraky ny orinasa fifandraisan-davitra avy amin’ny zanabolana iray. Fanapahan-kevitra, heverin’ny mpanjifa ho tsy fitsinjovana azy ireo.

Maro ny mpanjifa nitaraina, hita anaty tambajotra sosialy, mahakasika ny fiovana tampoka ataon’ny orinasa iray manana tolotra internety amin’ny alalan’ny satelita. Mandray fanapahan-kevitra samirery, mampiakatra ny saran’ny tolotra, tsy misy ny fampahalalana na fakana ny hevitry ny mpanjifa.
Vao am-bolana maromaro izao ny nisiany teto Madaga­sikara, manome tolotra tsy mila fotodrafitrasa eto an-toerana, fa avy amin’ny zanabolana. Mikorontana ny fifandraisan-davitra sy ny tambajotra, indrindra any amin’ny toerana tena be mponina. Tsy vitan’izany, fa lasa midangana izaitsizy ny saran’ny tolotra. Tsy nisy ny fanazavana na fampiomanana mialoha, sady tsy manana masoivoho eto an-toerana rahateo ilay orinasa. Mitotaly 1 927 000 Ar ny sara-pamandrihana, ka ao anatiny ny vidin’ny fitaovana (900 000 Ar) sy ny kojakoja (113 000 Ar), miampy ny saran’ny fampandehanana azy vaovao, 1 140 000 Ar.

Toekarena mitanila

Mampametra-panontaniana ny mpanjifa izany rehetra izany, amin’ny tsy fisian’ny mangarahara. Raha ny hevitr’izy ireo, endriky ny toekarena niomerika mitanila izao tranga izao. Tsy afa-manoatra manoloana ny fanapahan-kevitra samirery raisin’ilay orinasa, na dia efa toy ny filana andavanandro sy mahazatra aza ny fifandraisan-davitra, ankehitriny. Ho an’ny mpanjifa, tsy misy ny fitsinjovana azy ireo, tsy manana safidy, satria ny fifandraisan-davitra dia efa ampiasaina amin’ny sehatra maro, toy ny fianarana, ny asa, ny fahazoam-baovao, ny fandraharana, ny fitsaboana, sns. Hany ka, voatery manaiky ny fepetra apetraky ny orinasa sy ny sarany apetrany, toy izao mitranga izao. Raisin’ ny mpanjifa ho toy ny fihenan’ ny fahatokisany an’ilay orinasa ny tsy fandraisany andraikitra.

Njaka Andriantefiarinesy

Tsy niandry ela fa ny faran’ny herinandro teo ihany dia efa nivoaka ny voka-panadinana CEPE tamin’ireo Cisco marobe manerana ny Nosy. Efa Cisco an-jatony no namoaka izany, miankina amin’ny isan’ny mpianatra sy ny isan’ny mpikirakira ny vokatra no hahafahana manao izany malaky. Anisan’ny namoaka izany haingana ho an’ny teto Analamanga, ny Cisco Ambohidratrimo, Andramasina, Manjakandriana… Toraka izany ny any amin’ny faritra toy ny Cisco Ikalamavony, Besalampy, Vatomandry, Tsihombe, Amparafaravola….
Manodidina ny 57% hatramin’ny 95% ny taham-pahafahana tamin’ireo Cisco efa namoaka ny tatitry ny voka-panadinana CEPE ireo. Mbola miandry am-pitaintainana kosa ny amin’ ireo Cisco sasany.
Misy ny laharana maitso 921 hahafahana mamantatra ny voka-panadinana. Afaka mandefa hafatra miafina ao amin’ny pejin’ny minisiteran’ny Fanabeazam-pirenena ihany koa ary manaraka ny toromarika izay lazaina. Ankoatra izany ny fidirana amin’ny rohy http://education.gov.mg/gr-men/web.

Tatiana A

Tonga tetsy amin’ny HJRA, nanohana ireo olona narary vokatry ny famosaviana nandritra ny fety fankalazana tsingerin-taona nahaterahana ny minisitry ny Mponina sy ny firaisankina, Razafinjato Aurélie, ny faraparan’ny herinandro teo. Olona 26 no nomena tohana nahitana fehezan-karona misy ireo vatsy sy nankaherezina tamin’ izany.
Nisy koa ny vatsim-panahy netin’ny mpitandrina Randriamananjara Philibert filoha nasionalin’ny METM sady mpandrindra ny ONG Tetikasa Ankizy Krismasy TAK.
Tetsy andaniny, nankasitraka ny fahafoizan-tena an­dro aman’alina ataon’ireo mpitsabo mandray an-tanana ny marary ao amin’ny hopitaly ny minisitra sy ny ekipany izay misongadina fa misikim-ponitra manavotra ny ain’ny marary na dia maro aza ny fanenjehana mihatra amin’izy ireo.
Tsiahivina fa efa misy koa ny fandraisana an-tanana ny fanafody fitsaboana sy ireo tolotra avy amin’ny governemanta ho an’ireo niharam-boina ireo.
Tanora avy namonjy fety fankalazana tsingerin-taona nahaterahana ireto tratran’ny famosaviana ireto, araka ny efa tatitra ofisialy navoakan’ny fanjakana ka izao tsaboina ao amin’ny HJRA izao. Efa maro ny namoy ny ainy ary ireo ambiny manaraka fitsaboana sy fanaraha-maso akaiky ao amin’ny hopitaly ireo ankaherezina sy irariana ho avotra soamatsara ny ainy.

Tatiana A

Hita faty tao amin’ny ranon’Ikopa Tanjombato ny tovolahy iray, ny sabotsy teo. Nanavotra ny vehivavy iray
voalaza fa latsaka tao anaty rano izy ka tsy tafaverina intsony.

Lehilahy iray 21 taona hita faty tao anaty ranon’ Ikopa, tetsy Tanjombato, ny sabotsy tamin’ny 7 ora maraina teo. Tonga naka sy nampiakatra ny razana ny sampana mpamonjy voina rehefa nahazo antso mahakasika ny tranga. Nanavotra ilay vehivavy namany latsaka tao anaty rano izy ny harivan’ny zoma ka tsy niverina intsony, raha ny fanazavan’ny havany. Olona enina mianadahy izy ireo no niaraka nandeha an-tongotra, hihazo fodiana. Latsaka avy eny amin’ny sisin’ny tetezann’i Tanjombato anefa ny vehivavy iray, tamin’izy ireo. Nahita izany ity tovolahy maty ity ka nitsoraka tao anatin’ny rano avy hatrany, mba hanavotra io vehivavy io. Nambaran’ny havany fa tsy mahay nilomano izy io fa tia namana loatra ka antony nanaovany izao. Tonga nampilaza ny zava-nitranga tany amin’ny fianakavian’ny niharam-boina ireo namana niaraka taminy adiny iray taorian’ny tranga. Tsy niandry ela fa nankeny amin’ny tetezana hijery ny zanany ny ray aman-dreny sy ny fianakaviany ny maraina. Nalefa eny anivon’ny fianakaviana moa ny razana taorian’ny fampiakarana azy an-tanety.

Manahy zavatra hafa ny fianakaviana
Manahy ho zavatra hafa ny antony nahafaty io zanany io ny fianakavian’ny maty. Nisy tamin’ireo namany no nanao vava tamin’io tovolahy maty io talohan’ny fotoana nanavotany io vehivavy latsaka tanaty rano io, raha ny fanazavana voaray. Tsy latsaka tao anaty rano ilay vehivavy fa niafina tao ambadiky ny tetezana, raha ny fanazavan’ny olona nanatri-maso. Ni­hevitra fa latsaka anefa ity tovolahy ity ka nitsoraka nanavotra azy avy hatrany.
«Noho ny fahambangan’ny arofanina eny amin’ny tetezana no tena antony mahatonga ny olona latsaka any anaty rano», hoy ny sefo fokontany Ankeniheny Tan­jom­bato, Jean Noel. Miantso ny hanamboarana ny arofanina eo amin’ny tetezana io, araka izany, ny tomponandraikitra eny an-toerana. Marihina fa olona roa no maty latsaka tao anatin’io ranon’Ikopa eny Tanjombato io tato anatin’ity volana ity.

Mino

Le stade Barea Mahamasina, s’est transformé en une gigantesque cathédrale à ciel ouvert hier, lors du concert de louange et de prière pour la Nation dans la cadre de la célébration du retour de l’Indépendance de Madagascar, organisé à l’initiative de la Présidence de la République, dans une atmosphère
d’unité, d’adoration et un engagement spirituel renouvelé. Andry Rajoelina a prêché un message poignant de paix et d’unité nationale.

Foi et ferveur pour la Nation. «Il y a ceux qui sont partis pour la vie éternelle auprès de Jésus-Christ. Et il y a ceux qui, bien que vivants, sont comme morts parce qu’ils ont perdu la foi», a lancé Andry Ra­joelina dans sa prise de parole qui a marqué les esprits des milliers de fidèles.
Et de continuer, «La vie est un combat constant, dans le foyer, au travail, chaque jour. Je sais que ce que le peuple malgache endure et ce n’est pas facile. Mais ce que nous avons en commun, c’est la foi. Le message que je souhaite transmettre, c’est que quand nous sommes forts et que Jésus-Christ est dans notre cœur, on peut vaincre par la foi». Il a fait référence au psaume 33-12, «Heureuse la nation dont l’Éternel est le Dieu ! Heu­reux le peuple qu’il choisit pour son héritage !»
A cette occasion, Andry Rajoeliana a observé une minute de silence en hommage aux victimes d’empoisonnement collectif dans la capitale.

Chants de paix et d’amour
C’est aux figures de la musique évangélique malgache que revient l’honneur d’ouvrir ce rendez-vous dans le cadre du 65e anniversaire du retour de l’Indé­pendance de Madagascar.
L’interprétation en chœur du titre «Love» par Joïca Revival Messenger, Isaac de Paul, Joseph D’Af et Jaw’s Band, ainsi que la chanson «Izy», fredonnée par Heni­ka, Pepe Shine, Bodokely et Lovatiana, ont résonné dans le stade Barea et aux alentours. La scène, d’un blanc immaculé, a été décorée avec des fleurs. Et au centre de la scène, se dressent trois majestueuses portes d’église, hautement symboliques.
Vers 17 heures, Dena Mwana, auteure-compositrice-interprète de musique gospel congolaise, a fait une entrée triomphale sur scène. Connue pour sa voix puissante et son énergie spirituelle, l’artiste a interprété ses plus grands succès, notamment «Walk of Love», «Rassembler les adorateurs» et «Il fera». «Quand le Sei­gneur nous appelle, il nous donne une mission et dans l’une des missions qu’il m’a donné c’est de louer Dieu sur toutes les Nations, Mada­gascar est l’un de ces pays que le Seigneur a choisi, raison pour laquelle je n’ai pas hésité à répondre à cet appel, pour venir et apporter la paix à travers notre mu­sique», a fait savoir la chanteuse.
Spectacle grandiose
Tôt dans la matinée, une longue file d’attente était déjà visible aux abords des portails du Kianja Barea. En famille ou en petit comité entre amis, le public, majoritairement vêtu de blanc ne voulait pour rien au monde manquer ce rendez-vous avec leurs artistes de louange préférés.
En parallèle avec le con­cert de louange, un spectacle chorégraphique grandiose s’est déroulé sur le terrain du stade, mettant en lumière les danses folkloriques issues des quatre coins de l’île et une magnifique formation humaine représentant la car­te de Madagascar. Un show de drones et de feux d’artifice ont illuminé la soirée. Le spectacle aérien, inspiré d’un message de paix et d’unité nationale, a ému les spectateurs par sa poésie visuelle.

Joachin Michaël

Une semaine après l’empoisonnement de masse survenu durant une fête d’anniversaire à Ambohimalaza, des victimes ne sont pas encore sorties d’affaire. Selon les derniers chiffres du Centre hospitalier universitaire Joseph Ravoahangy Andrianavalona (CHU-JRA) Ampefiloha, 24 personnes poursuivent encore les soins. Un décès de plus a été enregistré ce week-end.

Le nombre de morts s’alourdit donc. Le décès de Riana Judicaël, âgé de 22 ans, vient malheureusement alourdir le bilan à 22 victimes.
Le vainqueur du concours Mister Anala­manga 2022 a rendu son dernier souffle avant-hier vers midi sur son lit d’hôpital. D’après ses proches, le jeune homme est hospitalisé depuis le soir du dimanche 15 juin, c’est-à-dire un jour après la fête d’anniversaire à Ambohi­malaza.
Son état de santé a commencé à s’améliorer vendredi. La famille et ses proches se sont même dit samedi matin qu’il sortira bientôt de l’hôpital avant qu’il ne fasse une rechute peu avant midi. Il a finalement rendu l’âme.

Dans le coma…

Sur les 24 victimes qui poursuivent les soins au CHU-JRA, 18 sont soumises à une surveillance médicale stricte à cause de la gravité de leur cas, indique l’hôpital. Parmi elles figure la jeune fille qui fêtait son anniversaire. Elle et son frère sont inconscients et poursuivent les soins médicaux, ce qui contredit les rumeurs sur les réseaux sociaux affirmant qu’elle a quitté le pays.
A rappeler que trois personnes ont été placées en détention préventive à la Maison centrale d’Anta­ni­mora dans cette affaire vendredi, dont la femme d’un footballeur des Bareas de Madagascar. Le footballeur en question a d’ailleurs déclaré dans une vidéo sur Facebook que sa femme a été victime d’une fausse accusation. Cinq autres suspects ont été placés sous contrôle judiciaire.

ATs.

Madagascar veut tirer profit de sa participation au 17e sommet des affaires entre les Etats-Unis et l’Afrique, qui se tient depuis hier jusqu’au 25 juin à Luanda (Angola). La délégation malgache est conduite par le Premier ministre, Ntsay Christian, représentant le président de la République, Andry Rajoelina.

Madagascar continue de conforter sa présence internationale aux différents sommets politiques et économiques d’envergure. Comme c’était le cas lors des différents sommets auxquels Madagascar a participé cette année, la délégation malgache à Luanda, entend aussi profiter de
ce rendez-vous avec les Américains, pour explorer des pistes de collaboration avec les Etats-Unis, et attirer les investisseurs américains à venir à Madagascar.
«Non seulement, le chef du gouvernement malgache, prononcera un discours lors de ce sommet, mais il va également s’entretenir avec les différents hauts fonctionnaires américains, qui s’apprêtent à coopérer avec le pays, pour le développement de Madagascar», d’après le com­­muniqué de la primature.

Droits de douane de 47%
Une occasion également pour le Chef du gouvernement et sa délégation composée du ministre de l’In­dustrie et du commerce, David Ralambofiringa et l’Ambassadeur de Mada­gascar à Washington, Lanto­soa Rakotomalala, d’aborder des sujets délicats qui préoccupent les pays africains y compris Madagascar en mo­ment, en l’occurrence les droits de douane récipro­ques de 47% que le président américain, Donald Trump, veut imposer sur les produits malgaches exportés vers le marché américain.
«Les secteurs du commerce et de l’investissement seront également abordés plus en détail, surtout suite à la décision prise par le président américain d’augmenter les droits de douane sur les marchandises importées aux Etats-Unis», indique-t-on.
A noter que la «pause» de 90% sur les droits de douane, prendra fin dans un mois, plus précisément ce 9 juillet 2025.

Opportunité d’investissements
Plusieurs chefs d’Etat et de gouvernement prennent part à ce sommet, marqué aussi par la participation des entreprises et investisseurs américains prêts à raffermir les liens économiques et commerciaux entre l’Afrique et les Etats-Unis. C’est donc une opportunité d’investissements et de partenariat qui s’offre aux pays africains dans des domaines tels que les infrastructures, l’énergie, la technologie, l’agri­cul­tu­re et l’industrie.

N.A

“Manameloka ireo mitady korontana sy fihantsiana ady eo amin’ny samy Malagasy amin’izao fotoana izao”. Io ny fanambaran’ny vondrona perlemantera Irmar eo anivon’ny Antenimierandoholona nentin’ny mpitondra teniny, ny loholon’i Madagasikara, Rakoton­drazafy Lalatiana, teny Anosy, tamin’ny faran’ny herinandro teo, manoloana ny toe-draharaham-pirenena. Hamafisin-dry zareo fa tsy miteraka fitoniana sy filaminana eo amin’ny fiarahamonina sy ny firenena ny fanelezana vaovao diso sy ny fivoizana fankahalana amin’ny tambajotran-tserasera ataon’ny mpanohitra sasany. Miantso maha tomponandraikitra an’ireo mpisehatra politika sy ny olom-pirenena rehetra miserasera amin’ny tambajotra mba hitandro hatrany ny soatoavina malagasy sy ny lalàna velona eto amin’ny firenena izy ireo. Ka tsy hanao fandranitana ny vahoaka malagasy na sanatria hampiteraka herisetra na fifandonana hanakorontana ny firenena.
Nasian-dry zareo teny koa ny amin’ny fahatapahan-jiro lava izay mafy dia mafy tato ho ato, ny olan’ny rano izay mampijaly ny vahoaka eny ifotony, ny faharatsian’ny lalam-pirenena lehibe sasany eto Madagasikara. Mampirisika ny fitondram-panjakana ankehitriny izy ireo mba hanao vaindohan-draharaha ny famahana ireo olana ireo. Efa hita ny ezaka lehibe ataon’ny filohan’ny Repoblika, ary ankasitrahan-dry zareo tanteraka ny fepetra nambarany farany teo taman’ny haino aman-jerim-panjakana. Tsapa kosa anefa fa tsy ampy ny fanarahana ataon’ireo tomponandraikitra amin’ny anjara andraikitra tandrify azy ireo. Lasa mampitarazoka ny fanatanterahana ny asa sy ny fiatraikany amin’ny vahoaka izany.

R. Nd.

Nampiaiky ny mpijery marobe teny amin’ny Kianja Makis Andohatapenaka, omaly, ny sarinady lehibe nataon’ny Hery fiarovana sy filaminana (FDS). Ao anatin’ny hetsika fankalazana ny faha-65 taona niverenan’ny Fahaleovantena sy nijoroan’ny Foloalindahy izany.

Tafiditra tanteraka anatin’ ny hetsika fankalazana ny faha-65 taona niverenan’ny Fahaleovantena sy nijoroan’ny Foloalindahy malagasy ny hetsika « sarinady lehibe » teny amin’ny Kianja Makis Andohatapenaka, om­aly. Nanome voninahitra izany teny an-toerana ny minisitry ny Foloalindahy, ny Jly Sahi­velo Lala Monja Delphin, ny minisitry ny Filaminam-bahoaka, ny inspecteur général de police, Rakotoarimanana He­ri­­lala, ary ny minisitra delege misahana ny zandarimaria, ny Jly Rakotondrazaka Andrian­tsarafara. Nanotrona ny hetsika koa ireo lehiben’ny fibaikoana sy tomponandraikitra isan’ambaratonga avy amin’ireo hery telo toko ary ireo mpijery marobe namaly ny fanasana. Nandray anjara tamin’izao sarinady izao avokoa ireo hery telo. Teo ny fanehoana hetsika atao manoloana ny fanafihan-dahalo. Taorian’izay ny fanehoana ny famotsorana takalonaina nataon’ireo miaramila ao amin’ny Sekolim-pirenen’ny manamboninahitra lefitra (ENSOA) ao Antsirabe. Niompana tamin’ny fiarovana olo-manan-kaja ny seho na­taon­’ny zandarimariam-pirenena, nahitana ny GSIS sy ireo alika mpitsongodia. Nam­piavaka ny seho nataon’ny polisim-pirenena indray ny fanehoana ny fahaiza-manao amin’ny fiarovan-tena mampiasa na tsy mampiasa fitaovam-piadiana. Namaranana ny seho ny sarinady niombonan’ireo hery telo tamin’ny hetsika nampiasana ireo fitaovana an-tanety sy ana habakabaka ary ireo fitaovana ampiasana ny teknolojia avo lenta amin’ny fanaovana fitsirihana.

Jean Claude

Mifanosona ny fety aman-danonana. Volana jona, volan’ny ankizy. Volan’ny teny malagasy. Volana ho an’ny fahaleovantenam-pirenena, fetin’ny mozika, sns. Samy manezaka maneho sy manasongadina izay heverina fa sehatra misy azy ny tsirairay, ny fikambanana, ireo sampandraharaha sy rafitra isan’ambaratonga isan-karazany… Saingy, hatramin’izao, mbola saro-tadiavina ilay maha Malagasy ao anatin’ireny hetsika ireny.
Miainga any amin’ny tranga faran’izay bitika indrindra, miafara any amin’ny hetsika goavana. Tsy maintsy manao ny ankisavasava vao mahita sy maheno fa natao ho an’ny Malagasy ilay izy. Tamin’ny 26 jona 1960 no fantatra fa nitsimohan’ny «podium». Tsy misy teny malagasy mahasolo azy io ? Taty amin’ny taona 1975, nipoitra sy niha natanjaka ny fampiasana ny voambolana « Fetim-pirenena », « Fetin’ny 26 juin », « kermesy », sns.
Nanomboka nibosesika teto Madagasikara ny zavakanto sy ny kolontsaina vahiny. Ny ampaham-potoana lehibe indrindra amin’ny « podi­um », lasa hanehoana ireny kolontsaina sy zavakanto ary fomba amam-panao vahiny ireny avokoa. Mitampifimpify eny ananona eny ny maha Malagasy. Misy fifaninanana fanorona, hono, ary ananona ary. Ry zareo atsy ananona hono mikarakara adin-kiragasy… Anjorom-bala tanteraka !
Ilay toe-tsaina hoenti-miatrika ny maha Malagasy (teny, tany, fomba, kolontsaina…) no mbola mila ezaka goavana ny fanitsiana azy. Ny fivelarana amin’ny hafa tsy tokony hanariana na hanaratsiana na hampirimpirimana ny an’ny tena.

HaRy Razafindrakoto

Manomboka mahazo vahana ny fitiavan’ny Malagasy ny momba azy. Saingy, maro ireo manao dingan-dava. Ny momba azy aza mbola tsy ananany fahalalana firy, kanefa, ny an’ny hafa indray no handaniany rondoha tsikeraina, hahitsy, mety hihomehezany mihitsy aza. Mbola lesoka goavana eo amin’ny fampivelarana sy fiverenana any amin’ny fototra ny tranga tahaka io.
Nodimandry i Lalah Les Rafra. Kambana mirahalahy no nahatsiarovana an-dry Rafra, nisy an’i Mims sy i Lalah. Nodimandry omaly ity farany, araka ny nambarany ny rahalahiny, vokatry ny aretina nahazo azy. Tao anatin’ny tontolon’ny zavakanto hatrany izy ireo, satria sady teknisianina momba ny kilalaon-jiro, no nisahana tetikasa ara-javakanto maro sy niara-niasa akaiky tamin’ireo mpanakanto toa an’i Olombelo Ricky, Rossy, sns.
Mbola misy ny tsy mahafantatra ny ambaran’ny « harena ny fahasamihafana ». Ao ny mandika vilana fa tsy vitsy ihany koa ireo mihevitra fa mandeha ho azy ny fiainana izany. Tany ambadik’Imanareza, efa tahaka ny lamina voajanahary. Niteraka fifanajana sy rindran-damina… izany. Amin’izao fotoana, sarotra ny miaina azy, satria, ny momba azy aza tsy fantany ka afangarony amin’ny maha izy ny hafa.
Mahay manavaka ny tsara sy ny ratsy ny Mala­gasy. Raha eo amin’ny kolontsaina sy ny zavakanto, maro ny mihevitra fa azo hifanakalozan-kevitra izy ireo (tsara sy ratsy). Tsy azo atao safobemantsina anefa ny vanim-potoana. Raha talohan’ny taona nanimbazimban’ny vahiny ny kolontsaina malagasy, ohatra, hain’ny Malagasy ny manavaka ny tsara sy ny ratsy. Anisan’ny mizana be tsy miangatra nampiasainy tamin’izany ny « soatoavina » (lamina voajanahary. Saingy, ankehitriny, io soatoavina io mihitsy no mitsingilaila.

Toy ny isan-taona, hisy ny « Antsam-piderana ho an’ny Firenena ». Tafiditra anatin’ny fanamarihana ny fetin’ny Fahaleovantena izy ity. Natao indrindra hangataham-pitahiana ho an’ny firenena, hizarana ireo hira ara-pilazantsara amin’ny alalan’ny fampisehoana goavambe izany. Hotontosaina ny alahady 22 jona izao ny amin’ity, etsy amin’ny Kianja Barea Mahamasina. Hiavaka kokoa izany, satria nanasa vahiny mpanakanto, mpivoy ny hira ara-pilazantsara malaza any ivelany isika. Efa nigadona omaly, eto Madagasikara, mantsy i Dena Mwana. Mpanakanto avy any Congo fa mipetraka any Eoropa. Mivoy ny gospel izy, ary anisan’ny hirany malaza indrindra ilay « Saint Esprit », izay nomarihin’ny filohan’ny Repoblika manokana, nandritra ny fivahinianany tao amin’ny TVM ny alin’ny alakamisy teo.
I Dena Mwana no vahiny manokana, fa hifampizara sehatra aminy kosa ireo Malagasy mpanakanto mpivoy ny hira fiderana. Anisan’ireny ry Ny Mpitory, Bodokely, Lovatiana, Henika, Joseph D’Af, Joyce Revival Messenger, Isaac de Paul, Vero Ranaivoson, Jazw Band, Pepe Shine, TGC, Denis Jee, Aldo, sns.

Zo ny Aina

Raim-pianakaviana iray maty notrongisin’ny ombiny tao Marofarihy, distrikan’i Fenoarivobe, ny alarobia 18 jona teo. Rovitra tanteraka ny kibony, ny fe hatramin’ny lamosin’ilay rangahy izay efa nitsirara tamin’ny tany tamin’io fotoana io.
Olona iray namoy ny ainy taorian’ny lozam-pifamoivoizana niseho tao Manjaka rehefa niala avy any Ambohimahasoa, omaly. Mpitety tsena io fiara io. Nivadika tampoka ny fiara ka nikodiadia nifatratra tao anaty tanimbary.
Hifampitadiavana ny sambo AW izay mampitohy an’i Madagasikara sy Kaomoro, nanomboka omaly. Niainga tao Mahajanga nikasa hihazo an’i Anjouan io sambo io. Samy mbola tsy manam-baovao momba azy io ny manam-pahefana avy amin’ny firenena roa tonta.

Tratry ny torimaso fotsy ny mpamily ny fiara tra-doza teny Ambatofolaka, anatin’ny la­lam-pirenena voalohany, ny alin’ny alakamisy 19 jona teo. « Niainga avy ao Antanana­rivo ary nikasa hamonjy fodiana any Ampefy i Dokotera », hoy ny fanazavan’ny kaomiseran’ny polisy misahana ny fa­nadihadiana izay sady nanatri-maso ny loza. Nivoaka ny arabe tampoka ny fiara ka ni­dona tamin’ny hazo teny amin’ ny sisin-dalana, tamin’ny 7 ora sy sasany alina. Tsy nisy afa-tsy io mpitsabo io irery no ni­taingina ny fiara tamin’ny fo­toana nitrangan’ny loza. Fiara sprinter iray no niezaka nitondra avy hatrany ilay mpamily tra-doza nihazo ny hopitaly HJRA. “Tsy nahatsiaro tena intsony io mpamily io tamin’ny fotoana nangalana azy tao anatin’ny fiara”, hoy ny fanazavan’ny polisy.
Ahina ho voadona mafy teo amin’ny faritry ny lohany sy ny tratrany io mpitsabo izay sady mpamily ny fiara niharan-doza io. Nifanome tanana nanavotra io mpitsabo io sy nampakatra ny fiara tanaty arabe ny mponina manodidina. “Tsy nahitana ratra be izy saingy tsy tana ny ainy”, hoy hatrany ny loharanom-baovao. Marihina, mpitsabo lehiben’ny CSB II ao Ampefy ity niharan-doza ity. Ankoatra io, taksiborosy iray tra-doza teny amin’ny lalam-pirenena fahafito, tao Ihosy, ny alin’ny alakamisy teo. Nivadika ny fiara, tsy nisy aina nafoy raha olona telo naratra.

Tsiferana R.

Olona dimy hita faty tao anaty ranon’Alaotra, andrefan’ny tanànan’i Vohitsivalana, kaominina Imerimandroso, distrikan’ Ambatondrazaka, afakomaly hariva. Sendra loza teny an-dalana izy io ka rendrika. Niainga ny alatsinainy teo, avy any Ambohijanaharikely ary hihazo an’ Ampitandrefana, io sambokely io, raha ny fanazavana voaray. Niainga maraina tany Ambohijanaharikely Ambatondrazaka ary tsy tonga tany amin’ny toerana araka ny ora efa fantatra. Nahagaga ny mponina izany zava-misy izany ka natao ny fikarohana. Olona iray, izay mpamilin’ny lakana no hita faty voalohany nandritra ny fikarohana. Nitohy ny fikarohana ka izao nahitana faty miisa dimy hafa izao indray. Vehivavy tokony ho 56 taona sy zaza efatra (10, 7, 4 ary 13 taona) izy ireo. Fantatra fa mpandeha tamin’io lakana io avokoa ireo hita faty ireo. Hatramin’
ny omaly, tsy mbola fantatra mazava ny antony nahatonga io lakana kely io niharan-doza sy nitarika tamin’ny fahafatesan’olona maro izao. Voalaza fa fianakaviana iray avokoa ireo niharam-boina ireo. Mbola mitohy ny fikarohana ary anisan’ny mbola karohina ny raim-pianakaviana, izay vady sy rain’ireo faty efa hita.

Mino

Niakatra fampanoavana omaly ireo voarohirohy tamin’ny famosaviana teny Ambohimalaza, tamin’ny sabotsy heriny. Olona telo naiditra am-ponja vonjimaika eny Antanimora. Ombiasy iray sy vehivavy roa.

Niakatra fampanoavana eo anivon’ny fitsarana Anosy, omaly, ireo olona 8 mianadahy voarohirohy tamin’ny tranga famosaviana ara-tsakafo ka nahafatesana olona maro teny Ambohi­malaza, ny sabotsy 14 jona lasa teo. Vehivavy ny enina ary lehilahy ny roa tamin’izy ireo. Nalefa eny amin’ny fonjaben’Antanimora, omaly, ny telo tamin’izy ireo, raha toa ka eo ambany fanaraha-ma­son’ny fitsarana ny dimy ambiny. Anisan’ny voarohirohy ny vehivavy roa, izay fianakavian’ny tompon’ny tsingerin-taona nahaterahana nankalazaina, tamin’io fotoana io. Anisan’izany, ny zaobavy sy ny mpirahavavy tsy iray kibo an’ilay tompom-pety. Mpima­sy nakana ny poizina mahery vaika natao tamin’ny sakafo ilay lehilahy iray. Fanapoizi­nana sy firaisana tsikombakomba no hanenjehana azy ireo, izay faizin’ny andinin-dalàna lah faha-302 ao amin’ny fehezan-dalàna famaizana. Mety hahavoasazy sy hanaovana asa an-terivozona mandra-pahafaty ny fanaovana izany. Disadisam-pianakaviana sy tsy fifankahazoana ka niteraka fialonana ny antony nahatonga izao fanapoizinana faobe izao.

Nifampiresaka tamin’ny finday sy hafatra miafina
“Nisy ny nanome toromarika, ny nanome ny poizina ary ny namafy izany tamin’ny sa­kafo ireo olona voarohirohy ireo. Hita tamin’ny fitsirihana fa nifandray tamin’ny alalan’ny finday sy fifampiresahana ta­min’ny hafatra miafina ireo voampanga ireo”, hoy ny Tonia mpampanoa lalàna eo anivon’ny fitsarana ambaratonga voalohany, Rakoto­niaina Narindra Navalona. Nahitana singa nahafahana niampanga azy ireo koa hita tany an-tranony, narahi-maso ihany koa ny fihetsiky ny tsirairay avy tamin’ny alalan’ny fanarahana ny “Camera de surveillance” tany amin’ny trano filanonana. Tafakatra 21 ireo olona namoy ny ainy vo­katry ny fanapoizinana ara-tsakafo, hatramin’ny omaly. Ho an’ny tetsy anivon’ny hopitaly CHU-JRA Ampefiloha, niampy iray indray ireo namoy ny ainy, raha ny tatitra voaray. Manodidina ny 25 ireo olona mbola manaraka fitsaboana eo anivon’ity hopitaly ity. Miisa fito ireo olona efa nalefa nody rehefa nahazo fitsaboana sa­haza azy ireo.

Mino

Fifaninanana goavana no miandry ny ekipam-pirenena malagasy Ankoay lahy sy vavy, amin’io herinandro ho avy io. Hiatrika ny fiadiana ny amboara maneran-tany, ta­ranja basikety lalaovin’olona telo i Madagasikara, ny 23 hatramin’ny 27 jona izao, any Mongolie. Nambaran’ny filohan’ny Federasionina malagasin’ny basikety, Ramaroson Jean Michel, fa miankina tanteraka amin’ireo mpilalao ny vokatra ho azon’izy ireo amin’io fifaninanana io. Efa ela no nanomanan-tena, hoy izy, ary nanao ny ezaka tandrify azy na ny federasionina na ny mpanazatra. Vao nivoaka ta­min’ny filankevitry ny minisitra ny alarobia lasa teo ihany koa ny fankatoavana ny fanohanan’ny fanjakana ny fandehanan’ny atleta malagasy hiatrika ity fiadiana ny amboara maneran-tany, taranja basikety 3×3, any Mongolie ity. Tsiahivina fa efa any Mongolie, nanomboka tamin’ny alahady teo, ny mpilalaon’ny Ankoay vavy: i Muriel, Sydy, Chine ary Christiane. Natao izany mba hahafahan’izy ireo mizatra ny toetany sy ny kianja ary hialana amin’ny harerahana amin’ny fahateren’ny fotoana, araka ny fanazavan’ny filohan’ny federasionina, Ramaroson Jean Michel. Tsara ny manamarika fa fandraisan’anjara voalohany ho an’ny Ankoay vavy ity fiadiana ny amboara maneran-tany any Mongolie ity. Ho an’ny Ankoay lahy kosa: Arnol, Elly, Livio ary i Anthony, efa niatrika lalao iraisam-pirenena maromaro tany Serbie izy ireo mialoha ny nihazoana an’i Mongolie. Araka izany, azo lazaina ho tsara fanomanana izy ireo saingy ho hita eo izay ho ataony amin’ny herinandro, hoy hatrany ny nambaran’ny filohan’ny Federasionina malagasin’ny basikety.

Mi.Raz

Niady ny fifandonan’ny ekipa Phoenix Vakinan­karatra sy ny Sepa ABM Boeny, sokajy vehivavy nandritra ny ampahavalon-dalana amin’ny fiadiana ny tompondaka nasionaly N1B, tanterahina any Fianarantsoa. Isa 72 no ho 69 no nisarahan’ny roa tonta, nandresy ny Phoenix.

Hotontosaina ny 29 jona izao ny fifaninanana “Top Fight”, taranja kick boxing, karakarain’ny ligin’ny kick boxing Matsiatra Ambony. Fifaninanana eo amin’ny K1 Rules sy Low kick no hifaninanana ary hisy koa ny “Combat de défi”. Ao amin’ny kianja mitafo Ambatomena no hanaovana izany.

Nahoraka tao anaty tambajotran-tserasera, omaly, fa voatery nampidirina hopitaly i Kylian Mbappé, frantsay mpilalao baolina kitra, noho ny aretin-kibo mahazo azy. Tsy afaka hiatrika ny lalaon’ny Real Madrid, any amin’ny fifanintsanana isam-bondrona, araka izany, izy. Marihina fa nisaraka ady sahala 1 no ho 1, teo anatrehan’ny Al Hilal, Arabia Saodita, ny Real Madrid, afakomaly.

Maro amin’ireo taranja misy eto Madagasikara no tsy dia mihetsika firy. Mahagaga anefa, manana mpitantana ara-dalàna izy ireny saingy tsy mihetsiketsika mihitsy, hatramin’ny omaly. Anisan’ireo tsy dia hita firy ny taranja bisikileta. Ity farany izay taranja anisan’ny manana ny maha izy azy eo anivon’ny ranomasimbe Indianina.

Nanainga omaly, hihazo an’i Maurice, hiatrika ny fiadiana ny ho tompondakan’i Afrika sy ny ady tapakila ho an’ny “Mondial 2026”, taranja rugby, lalaovin’olona 7, lehilahy, ny Makis de Madagascar. 13 ireo mpilalao hanao ka anisany ilay Malagasy mizaka ny zom-pirenena frantsay, i Hugo Manolo. Nambaran-dRazily, mpanazatra, fa tsy olom-baovao izy fa efa niaraka nanao fanazarantena tamin’ny Makis nandritra ny fihaonana tany Pologne, tamin’ny taon-dasa ary maniry ny hanatevina ny ekipa ka niresaka tamin’ny Malagasy Rugby. Efa nanaraka fanomanan-tena teto Madagasikara, nandritra ny fotoana ela. Milalao ao amin’ny Bordeaux-Bègles France, izy. Ankoatra azy, vaovao koa i Chrisiano, Makis U18. Noma­rihin’ny mpanazatra fa efa nahitsy avokoa ireny lesoka tamin’ny taon-dasa ireny, indrindra ny fikoropahana sy ny tsy fifantohana anaty lalao. Manana herijika ny Makis handrombaka ny amboara sy hiatrika ny “Mondial 2026” satria efa tafakatra avy hatrany i Kenya sy i Afrika Atsimo. “Ezahina izany ny hahatafidirana fahatelo na hiatrehina ny famaranana”, hoy izy.

Tompondaka