Antananarivo s’apprête à devenir, les 9 et 10 avril prochains, l’épicentre des réflexions économiques régionales avec la deuxième édition du CEO Summit Indian Ocean.

A quelques semaines de l’événement, les organisateurs, à savoir le Syndicat des Industries de Madagascar (Sim) et l’agence Becom, annoncent la parti­cipation de délégations issues de plus de 18 pays d’Afrique, d’Europe et d’Asie. «Cette forte mobilisation internationale confirme l’intérêt croissant pour ce rendez-vous économique», soulignent-ils. Plus de 650 participants sont attendus dans la capitale malgache.
Le sommet réunira chefs d’entreprise, investisseurs et décideurs publics autour des grandes mutations économiques. «Nous voulons éclairer les transformations des marchés et identifier de nouveaux leviers de croissance», expliquent les organisateurs. Les discussions porteront sur des thèmes clés comme l’intégration ré­gionale, la souveraineté économique, le financement durable et l’innovation nu­mérique. «Le CEO Summit doit devenir un espace de dialogue capable de générer des coopérations concrètes pour Madagascar et la ré­gion», affirment-ils. Les in­frastructures et la transformation digitale seront également au cœur des débats.
Deux clusters structureront les travaux. «Le Cluster Finance explorera les moyens de renforcer la confiance des investisseurs et l’accès aux financements», précisent-ils. De son côté, «le Cluster Immobilier & Investisse­ment mettra en avant le rôle clé de l’immobilier dans l’attractivité des territoires».
Autre moment fort, les CEO Summit Awards ré­compenseront les initiatives les plus marquantes. «Ces distinctions valorisent la vision, l’impact et l’innovation des acteurs économi­ques», indiquent les organisateurs, évoquant notamment un prix dédié aux entreprises malgaches.
Pendant deux jours, An­tananarivo ambitionne ainsi de devenir «le carrefour économique majeur de l’océan Indien». Un objectif assumé : «faire du sommet un lieu où se dessine l’avenir économique de la région».

Arh.

Ankoatra ny rivodoza Gezani tany Toa­ma­sina, tsy nijery fotsiny ny traboina tratry ny rivodoza Fytia tany Boeny sy Betsiboka ny orinasa Airtel Madaga­sikara sy ny Fondation Airtel Afrika. Tokantrano miisa 500 no nisitraka fanampiana vonjitaitra sy sakafo tany Maha­janga, hitsinjovana ireo tratry ny fahasimbana vokatry ny orambe. Nitohy tany amin’ny lalam-pirenena faha-4 ny hetsika, tany Maevatanàna sy Ambondromamy. Mitotaly 900 ny tokantrano nisitraka ny fanampiana tany amin’ireo toerana ireo.
Notsipihin’ny tale ara-barotra Airtel Madagasikara, i Marcel Mpondo, fa « manan-danja tokoa ity hetsika ity, satria maneho ny firaisankina. Ilaina ny fanampiana haingana, eo no ho eo, amin’ny loza voajanahary toy izao. Zava-dehibe ny fanampiana ny vondrom-piarahamonina hamerenana amin’ny laoniny ny maha olombelona. Sady manome fanantenana ny mponina sy hanomezana hasina ny fianakaviana traboina ihany koa ».
Nohamafisin’ny Airtel Ma­da­gasikara sy ny Fondation Airtel Afrika ny fahavononany ho eo anilan’ny vahoaka amin’ny zava-tsarotra toy izao, amin’ny alalan’ny fanampiana azo tsapain-tanana. Tafiditra ao anatin’ny fiahiana ny mpiara-belona sy fanampiana ny faritra tratry ny loza voajanahary izao hetsika izao.

Njaka A.

Namoaka ny « Efa fantatrao » Raboussa. Rakitsary vaovao, saingy ny hira kosa efa heno taloha tany. Ny tena marina, ny fiverenany no nalaina tamin’ny hira noforonin’i Donat Rasamimanana nampihirainy an’i Fafah tamin’izany io. Notanan-dRabousa ny fiverenana, nampiany ny aingam-panahiny ka namoaka vokatra vaovao hoentiny hamakivaky ny taom-pampisehoana 2026. Maromaro mantsy ny tetikasan’ny tarika Raboussa sy ny SR Event, izay sady namokatra ny rakikira no hisahana ny fikarakarana ireo hetsika hoavy ihany koa.

Rado Besigara no mitarika ny Ramilison Besigara Zanany avy etsy Fenoarivo. Notokanana ny alahady teo, tetsy amin’ny Kianjan’ny kanto Maha­masina, ity zafikelin-dRamilison ity. Nahazo ny tsodranon’ireo raiamandreny sy ny taranaka Sahondrafinina sy Ramilison izy, hanohy sy hampita ary hampitia ny hiragasy toa ny nataon’ireo teo aloha. Nisy ny adin-kiragasy nifanandrinan-dry Sahondrafinina zanany sy ry Ramilison Besigara zanany, nandritra izany. Raha­rahan’ny samy henjana, sady raharaham-pianakaviana rahateo izany.

Tsy ho ela ny “Festival savika”. Endri-kolontsaina iray be mpankafy ary mbola mitohy amina faritra maro manerana ny Nosy. Fanehoana sy fanokafana izany ny “Savika mitorajofo”, izay notontosaina ny alahady teo, teny Alasora. Ny terak’Imady no nikarakara ny hetsika, izay nezahina nanehoana sy nitazonana ny fanao rehetra amin’ny fampisehoana savika toy izao. Nakana lesona amin’izay tokony hatsaraina amin’ny hetsika manaraka ihany koa izany.

Feo miavaka tsy manam-paharoa. Nandravaka ireo hira mandona fanahy, mamelombelona ny fitiavan-tanindrazana. Izany no nahafantarana an’i Noely Sakelidalana. Hoentiny an-tsehatra mandritra ny fahatsiarovana ny 29 marsa izany.

Raha vao hoe Sakelida­lana, i Noely no mby ao an-tsaina. Raha vao ma­heno Sakelidalana ihany koa, dia ireo hira maneho ny tolom-panafahana nandritra ny Raharaha 1947 no heno manakoako any am-parahatoka any… Ireny hira ireny no niakarany an-tsehatra voalohany, ary mbola hizara sy hampahatsiaro izany i Noely Sakelidalana, 61 taona aty aoriana. Hisy ny fampisehoana izay hataony ny alahady 29 marsa izao, manomboka amin’ny 2 ora sy sasany, etsy amin’ny Havoria Anosy.
“Hataonay daholo izay hira nahafantarana sy nankafizanareo an’izany Noely Sakeli­da­lana izany. Hiverenana an-kira izay 61 taona niakarako an-tsehatra izay”, hoy ny nambaran’i Noely. Mazava loatra fa ireo hiran’ny tolona maneho fitiavan-tanin-drazana mivaivay no ho maro amin’izany. Anisan’ireny ny “Tao anatin’ny tolona”, “Ry Gasikara ô”, sns. Misy sady maro koa anefa ireo hira miresaka lohahevitra maro. Nalaza indrindra ny “Voahangy”, “Fitia manalasala”, “Nandalo teto ve?”, “Lala­na mody”, sns.
Tsiahivina fa nanomboka tao amin’ny tarika Rakotoza­nany Stanislas i Noely. Ani­san’ireo nanangana ny tarika Ny Sakelidalana taty aoriana ihany koa izy, ary mpikambana tao nandritra ny taona maro. Nirona tamin’ny hira ara-pilazantsara ny tarika Noely, nitondra ny anarany manokana. Manohy hatrany ny Noely sakelidalana ihany koa anefa.

Zo ny Aina

Andro maneran-tany ho an’ny toetry ny andro, omaly. «Mandalina ny anio ho fiarovana ny ampitso” ny lohahevitra novoizina amin’ity taona ity. Ankalazaina amin’ity taona ity ihany koa ny faha-125 taonan’ ny Foibe famantarana ny toetr’andro. Momba ny toetry ny andro amin’ity herinandro ity, varatraza malefaka no handrafitra izany ho an’ny afovoantany sy ny ilany atsinanan’ny Nosy hatramin’ny zoma.
Namoaka naoty ny sekretera jeneralin’ny minisiteran’ny Fampianarana ambony sy ny fikarohana ara-tsiansa momba ny fanatanterahana ny fampianarana ampitain-davitra, an-jotra, eo anivon’ny fampianarana ambony. Misy ny fepetra tsy maintsy arahina ho an’ny toeram-pampianarana. Voaresaka ao ny fomba fampianarana, fampiasana ny teknolojian’ny fampianarana ampitain-davitra, fampitoviana sy fijerena manokana ireo mpianatra, kalitao sy fahamarinan’ny fanadinana, fahazoan-dalana ary ny fanaraha-maso.
Ao anatin’ny fiaraha-miasa eo amin’ny fitaleavam-paritry ny fonja sy ny fitaleavam-paritry ny Fampianarana teknika sy ny fanofanana arakasa Amoron’i Mania, tanterahina ny fampiofanana arakasa momba ny zaitra ho an’ireo voafonja ao amin’ny fonjaben’Ambositra, Ankorombe. Haharitra roa herinandro ny fampiofanana amin’ny fanamboarana akanjo sy zipo ho fanomanana ny fiverenana anivon’ny fiarahamonina sy hisorohana ny fiverenan’ireo voafonja amin’ny asa mifanohitra amin’ny lalàna.

Notanterahina tetsy amin’ny Minning Business Center, ny faran’ny herinandro teo, ny fanamarihana ny faha-10 tao­na nijoroan’ny fikambanam-behivavy, Destiny, izay tarihin-dRandrianarisoa Hoby, vadin’ny ben’ny Tanànan’ Ivato.
10 taona nanaovana asa sosialy amin’ireo sokajin’olona marefo sy zokiolona ary olona manana fahasembanana ny fikambanana.
Tao anatin’izany fotoana izany dia efa an’aliny maro ireo olona nisitraka tohana manokana, indrindra ireo renim-pianakaviana mananontena sy tena sahirana ara-pivelomana miady irery amin’ny fiainana. Nanome voninahitra ny lanonana ny vadin’ny mpanolotsaina avon’ny Re­poblika, izay sady mponina eny Ivato rahateo. Nanome toky ny amin’ny fanohanana ny asa ataon’ny fikambanana ny tenany ary nidera ny herim-pon’ireo vehivavy mpikambana. Teo koa ny avy amin’ny masoivohon’i Chine sy In­donesie.
Ankoatra ny fizarana fa­nampiana, mampiofana ireo tanora hanana fihariana maharitra ihany koa ny fikambanana. Manampy izay ny fanofanana mahandro sy fanaovana mofomamy, fitantanam-bola madinika…. Mian­toka ny fampidirana mpianatra an-tsekoly ireo zanaky ny tena sahirana ihany koa ny fikambanana, iarahany amin’ny mpiara-miombon’antoka.
Hanohy ny asa soa amin’ny mpiara-belona ny Destiny miaraka amin’ireo vehivavy mpikambana efa 300 mahery ao aminy.

Tatiana A