Tsy araka ny resaka nandeha tamin’ny herinandro lasa teo fa niala an-daharana ny Lionan’i Atlas Maroc, eo amin’ ny fiadiana ny ho tompondakan’i Afrika, taranja baolina kitra ho an’ireo mpilalao tsy matihanina “Chan 2023”. Fantatra izao fa efa tonga any Algérie izy ireo, ary nanambara ny fahavononany handray anjara sy hiaro ny anaram-boninahitra efa azony tamin’ny taona 2020.

Marihina fa miaraka amin’ ny Barea de Madagascar ao amin’ny vondrona “C” ry zareo Maraokanina. Mpilalao tanora ny mandrafitra an-dry zareo Liona-n’i Atlas, izay nalaina tamin’ireo ekipa goavana any an-toerana toy ny Wydad Casablanca, ny Raja Casablanca, ny FAR raha tsy hilaza afa-tsy ireo. Anisan’ ireo ekipa “favorie” amin’ity “Chan 2023” ity ny Lionan’i Atlas. Ankoatra izay, nisy ireo nandrafitra an’i Maroc nandritra ny “Mondial 2022”, natao tany Qatar no hita ao anatin’ ny Liona miatrika ity “Chan 2023” ity.

Raha tsiahivina, ny alakamisy 19 janoary ho avy izao no hidona amin’ity ekipan’i Maroc ity ny Barea de Madagascar eo amin’ny andro faharoa.

Mialoha ny hiatrehany ity “Chan 2023” ity, mbola niatrika lalao sedra tamin’i Etiopia ry zareo ny alatsinainy lasa teo, tao amin’ny kianja Complexe Mohammed VI, tao Maamora ka nandreseny, tamin’ny isa, 2 no ho 1.

Tompondaka

Des enfants à vendre comme des marchandises au marché. Cela existe et se déroule dans la région Vitovavy Fitovinany », selon les dires du député d'Ikongo, Jean Brunelle Razafitsiandraofa, interviewé hier sur la chaine Kolo TV.
Ce phénomène ne se limite pas au district d'Ikongo seulement, d'après Jean Brunelle Razafintsiandraofa. Dans le district de Mananjary, plus précisément la commune rurale de Kianjavato, des enfants seraient aussi mis en vente par leur parents. L'extrême pauvreté pousse les parents à (...)

L'inventaire des désastres qu'affrontent les malgaches sur le plan économique, social, politique, et humain ne cessera jamais de nous interpeller. Corruption, banditisme, insécurité, insalubrité, misère, précarité sanitaire, famine, dégradation du capital humain qui font le paysage du quotidien des malgaches nous interrogent quant à ces incroyables capacités de résilience du malgache. A quand des gilets jaunes gasy à Tanjombato et Ambohimanarina ?… Et quand je lis « En l'absence de réformes (...)

Tratra ambodiomby teo am-panaovana ny asa ratsiny i Lefidy sy Rabemazaka tao Ankerika, distrikan’Antso­hi­­hy. Naharay antso mahakasika azy roalahy ireto ny zandarimaria ao an-toerana nilaza fa nihaodihaody tao Ankerika izy ireo. Raikitra ny fidinana ifotony sy ny fifanenjehana. Araka izany, tsy nanam-po ireto dahalo fa niova ny paik’ady noentin’ny zandary ni­samborana azy ireo. Vokany, raikitra ny fi­fanjevoana. Voa­tery nampiasa basy ny mpitandro filaminana ka samy lavo izy roalahy, dahalo ikoizana ireto.
Malaza ratsy sy mampitondra faisana ireo vahoaka ao amin’ny distrikan’Antso­hihy sy Analalava ary Beala­nana amin’ny halatr’omby sy ny fa­nafihana mitam-piadiana i Le­fidy sy Rabemazaka. Tsy ni­tsitsy azy roalahy koa ny mpitandro filaminana nandritra ny fisamborana. Nisento tokana sy nankasitraka ity vokatra ity ny mponina ary naneho fisaorana ny zandarimariam-pirenena tamin’izany.

Henintsoa H.

Olona efatra naratra vokatry ny fifandonana teo amin’ny fiara 4×4 sy taksiborosy iray, tao Ambohimahasoa, afakomaly…

Nitrangana lozam-piarakodia nandratra olona indray teny amin’ny RN7, tao Ialatsara fokontany Ampanidinana, kaominina sy distrikan’Ambo­­hi­­mahasoa, afakomaly hariva tamin’ny 6 ora. Fiara 4×4 iray marika Mitsubishi ni­ainga avy aty Antananarivo hihazo an’i Fianarantsoa no nifandona tamin’ny taksiborosy iray an’ny kaoperativa Sonatra avy any Manakara hihazo aty an-drenivohitra. Raha ny tatitra voaray avy amin’ny kaomandin’ny borigadin’ny zandarimaria Ambo­hima­hasoa, vokatry ny tandrevaka teo amin’ny mpamilin’ilay fiara 4×4 no nahatonga ny loza. Nandeha mafy ilay mpamily, tsy na­hafehy ny familiana ka nifatratra tao amin’ilay taksiborosy. Voka­ny, mafy ny fifandonana, olona efatra indray naratra. Nalefa notsaboina vonjimaika ireo naratra. Nandray ny andraikiny koa ny zandary tamin’ny famindrana ireo mpandeha ta­min’ny taksiborosy hafa. Samy nahitana fahasimbana ireto fiara roa nifandona ireto. Mitohy ny famotorana ataon’ny zandary ao Ambo­hi­mahasoa. Na teo aza ity loza ity, tsy nisy kosa ny aina nafoy. Tsy vao izao fa ahitana lozam-piarakodia ma­tetika iny RN7 iny. Ankoatra ny lalana ratsy, eo koa ny tandrevaka ataon’ireo mpamily sasany.

Jean Claude

Tonga eo amin’ny dingana famaranana ny filoha Andry Rajoelina amin’izao fotoana izao. « Betsaka ny vitany fa tsy vitsy koa ireo mbola miandry azy satria latsaka an-katerena ny firenena malagasy tao anatin’ny 60 taona nahazoana fa­ha­leovantena », hoy ny filohan’ny Hafari Malagasy, Jean Nirina Rafanomezan­tsoa, na­neho ny fahitany ny zava-bitan’ny filoham-pirenena. Nohitsiny fa tsy mbola nisy mpanao politika teto Mada­gasikara, fa fitiavan-tena sy fitiavan-tseza no nibaiko nandritra izay fotoana izay. Misedra olana goavana ny filoha ankehitriny eo amin’ny finiavany hanatanteraka ny vina fa ireo nanankinany andraikitra sy nalainy ho namana no tena vato misakana ny fampandrosoana tiany hatao sy/na tsy mahay ny asa tokony hatao. Eo koa ireo miantehitra amin’ny famatsiam-bola sy mitomany voninahitra fotsiny, araka ny nambarany. Nampisongadina ny filoha Rajoelina ny fiarahany niasa tamin’ny minisitry ny Mpo­nina teo aloha, fahavelony, Nadine Ra­maro­son, indrindra teo amin’ ny fiarovana ny vahoaka sy ny fampandraisana andraikitra. « Ta­min’izany no nisy fanjakana miady amin’ny fanjakana satria nijery ny sosialim-bahoaka izy sy ni­ady tamin’ny tsindry hazolena ary na­nohitra ny herisetra », hoy izy. Efa nisy ny vahaolana noraisin’ny filoha ta­min’ny fanoloana ireo mi­nisitra sy governora izay hita fa tsy nahavita ny andraikitra nankinina taminy. Tsy hijerena finoana na politika ny fanavotana an’i Madaga­sikara.

Jean Claude

Mihazakazaka ny fitotongan’ny sandambola Ariary. Kely sisa dia hisanda 5.000 Ar ny euro iray, izay tsy mbola nisy mihitsy hatramin’izay. Omaly 10 janoary tamin’ny
2 ora sy sasany tolakandro, nahatratra 4.820 Ar ny sandan’ny 1 euro, ary 4.502 Ar ny 1 dolara, araka ny tarehimarika navoakan’ny Banky foiben’i Madagasikara (BFM). Adiny iray taorian’izay anefa, vao mainka tafakatra ho 4.865 Ar ny 1 euro tamin’ny 3 ora sy sasany tolakandro, ary 4.548 Ar ny 1 dolara. Tamin’ny 11 ora sy sasany maraina anefa, mbola 4.818 Ar ny 1 euro, ary 4.501 Ar ny 1 dolara. Izany hoe, mivoatra isan’ora ny fiovaovany ary tsy mitsahatra mitotongana hatrany.

Ho mafy ny krizy ara-toekarena
Raha ny fanazavan’ny mpahay toekarena, R.R, azo heverina, fa ho tratra tsy ho ela ny sanda 5.000 Ar ho an’ny 1 euro sy ny 1 dolara, izay tsy mifanalavitra ny elanelana. Satria, haingana be ny fitotonganany, nefa tsy misy ny singa na famantarana hita fa mety tsy hihetsika, na ho marindrano ny fiovaovany. Efa nanamarika mialoha rahateo ny Banky Iraisam-pirenena (BM) sy ny Tahirimbola iraisam-pirenena (FMI), fa ho mafy ny krizy ara-toekarena sy ara-bola amin’ity taona 2023 ity. Hita soritra sahady izany amin’ny fidangan’ny vidin-javatra eto an-toerana sy ny avy any ivelany. Etsy ankilany, tsy ampy ny tahiry vola vahiny satria tsy mbola tafaverina daholo ny vidin’ireo entana naondrana any ivelany.

Njaka A.

Tany amin’ny 10 taona lasa, efa nisy ny fiaraha-nidinika tamin’ny Vondrona eoropeanina momba ny famatsiana angovo eto Madagasikara. Votoatin’ny dinika tamin’izany ny fandrafetana politika vaovao momba ny angovo, izay efa nahitana lesoka ta­min’ny fiandohan’ny taona 2000.
Niarahan’ny Vondrona eo­ropeanina sy i Madagasikara nandrafitra ny politika, izay tokony hifanaraka amin’ny filàna eto amin’ny firenena. Ny fampiharana izany, tokony hifandraika amin’ny tanjona napetraka hisian’ny fampandrosoana marina.
Na misy aza ireo fepetra samihafa noraisina, tsy hita hatramin’izao amin’ny famatsiana angovo. Mitanila hatrany ny famatsiana manerana ny Nosy, sy mitombo ihany ny angovo mandeha amin’ny solika, tsy azo antenaina no mahabe mason-karena. Mi­fanipaka amin’izay, mbola tsy mahasarona tanàna firy ankehitriny ny angovo azo havaozina.
Na nofaritan’ny mpitondra nifandimby aza ny Jirama, tsy mety tafarina fa matiantoka hatrany, matiantoka miaraka amin’izay koa ny vahoaka. 10 taona aty aoriana 2013-2023, vao mainka miharatsy izay famatsiana herinaratra izay amin’ny tanàna maro, noho ny fahanteran’ny fitaovana, halatra samihafa mivantana na an-kolaka.
Tombanana ho 15 % monja ny mahazo herinaratra
Noho izay tsy fivoarana misy eo amin’ny famatsiana angovo izay, tombanana ho 15 % monja ny mahazo herinaratra manerana an’i Mada­gasikara. Voavatsy be indrindra Antananarivo sy ny manodidina ary mitombo ny fitongilanana amin’ny fahazoana angovo hatramin’ny nisian’ny milina fahefatra ao Ande­kaleka sy toby vaovao ao Fa­rahantsana.
Ny hita tany amin’ny 2013, vao mainka hita amin’izao fotoana izao, toy ny famatsiana angovo tsy mitovy. Mi­tombo ny fampiasana solika nefa tsy mahavaha olana any amina kaominina maro, in­drindra ny any ambanivohitra.

Ndrina

Le taux de mortalité néonatale et infantile reste alarmant dans le pays selon l'Unicef. Les taux de mortalité maternelle, néonatale et infantile à Madagascar se sont très peu améliorés au cours de la dernière décennie, révèle un communiqué du Fonds des Nations Unies pour l'enfance (UNICEF). Le taux de mortalité maternelle, c'est-à-dire celui des mères qui meurent lors de l'accouchement, est de 498 à 426 décès pour 100.000 naissances vivantes, entre 2008 et 2018, soit une très faible réduction de 14% (...)

Le Bureau national de gestion des risques et catastrophes (BNGRC) fait le bilan des incendies dans le pays durant l'année 2022. 56 incendies ont été recensés dans tous Madagascar en 2022, rapporte le BNGRC. Ce sont principalement des maisons d'habitation. Au total, 4 282 foyers ont été réduits en cendres lors de ces incendies, faisant un total de 17 837 sinistrés.
La négligence est à l'origine de 80% de ces incendies, a affirmé le directeur général de cette instance chargée de la prévention et de lutte (...)

Tanterahina eny amin’ny “Galerie d’Art Raparivo”, etsy amin’ny Ivokolo Ana­la­ke­ly ny varotra fampiratina ho­sodoko. Hanomboka ny talata 10 janoary 2023 izany hetsika izany ary tsy hifarana raha tsy ny 25 febroary 2023. Ny mpanakanto mpanao ho­so­doko Zonasandratr’Art no hisantatra izany fampiratina izany.
Varotra fampiratina “peinture acrylique” na hosodoko no misantatra ny fampiratina ao ami’ny Ivokolo amin’izao taona vaovao izao. Ny “peinture acrylique” izay isan’ny karazana plastika ihany, iza­ny hoe, loko plastika. Fam­piratina sy varotra hataon’i Zonasandratr”Art, mpanakanto efa teo amin’ny sehatry ny hosodoko nanomboka ny taona 2001. Tanjona amin’izao ny fampiroborobona ny zava-kanto, indrindra ny sehatry ny hosodoko. Ny hosodoko izay misedra olana eo amin’ ny fivarotana ny vokatra , satria vitsy ny mpanjifa noho ny vidin’ny entana.

Lin (Mpianatra asa)

Notontosaina nanomboka ny alatsinainy 9 janoary 2023, ary hitohy ny talata 10 janoary 2023 ny fampiofanana sy atrikasa atolotry ny “EGM- Conservatoire de musique” ho an’ny mpiangaly ny fitendrena gitara eto Madagasikara. Tafiditra ao anatin’ny “Mas­ter­­class internationale de guitare” ity hetsika ity. Ny hetsika izay efa miditra amin’ny andro fahatelo mialohan’ny fiafarany.
Mandray fampianarana, mi­sitraka fahaiza-manao, ma­hazo traikefa avy amin’i Arnito, ny mpiangaly gitara eto Madagasikara, indrindra ny eto Antananarivo. Tao anatin’ny fampiofanana sy atrikasa nokarakarain’ny EGM-Conservatoire de musique nanomboka omaly ary hifarana anio no nisitrahan’izy ireo izany. Ity fiofanana sy atrikasa ity izay natokana ho an’ny mpitendry manana fahaizana efa somary ambony kokoa. Mpitendry gitara matihanina avy ao amin’ity sekoly fampianarana mozika ity sy ivelan’ny sekoly no nianoka izany. Fampiofanana sy atrikasa izany, izay tanterahina eny 67 ha, toerana misy ny “EGM-Conservatoire de musique”. “Ilaina foana ny mivelatra amin’ny hafa sy mifampizara. Eo ihany koa ny fangalàna traikefa sy fahaiza-manao amin’ny olona manana ny maha izy azy sahala amin’i Arnito. Isaorana ny mpikarakara”, hoy i Michel, mpisitraka ny fampiofanana.
Fampisehoana no hamaranana ny hetsika. Seho izay maimaim-pona tanteraka, tontosaina ny alarobia 11 janoary 2023. Ireo niofana sy niatrika ny atrikasa no haneho ny nampiofanina azy ao anatin’izany fampisehoana izany.

Lin (Mpianatra asa)

Na tsy betsaka aza, azo lazaina fa maro ihany ny Malagasy mikaroka eo amin’ny tontolon’ny kolontsaina sy ny zavakanto. Tsy tafapaka any amin’ny tokony hiantefany akory anefa ireny voka-pikarohana ireny satria tsy ampy na tsy misy mihitsy ny sehatra hivelarana. Tranga fahita sy efa fantatry ny rehetra io.
… Fa ity no tena mahazendana amin’ireny mpikaroka ireny. Ny 99,5%-n’ny voka-pikarohana nataona Malagasy na avy aiza na avy aiza ny sehatra nipoirany ( oniversite, Akademia Malagasy, orinasa, sns), saika amin’ny teny vahiny avokoa. Ambaran’ireo mpikaroka anefa fa hoentina manasoa sy mampivoatra ny fiainan’ny Malagasy ny fikarohana ataon’izy ireo. Teto Madagasikara rahateo no nanaovana ny ankamaroan’ilay karoka.
Ohatra goavana sy mivandravandrabe ny fikarohana momba ny tantaran’i Madagasikara sy ny Malagasy. Ireo mpikaroka afaka mamoaka boky, manao izany avy hatrany amin’ny teny vahiny. Manapariaka ny sanganasany eny amin’ny fivarotam-boky. Azo lazaina ho ezaka very maina anefa izany satria mbola vitsy dia vitsy ny Malagasy mahay sy mahafehy ny teny vahiny, ny sisa mangetaheta ambony lakana fotsiny.
Maro noho ny Malagasy ve ny vahiny liana amin’ny tantaran’i Madagasikara ? Mba tsy hilazana hoe : inona no iraharahan’ny vahiny ny tantaran’i Madagasikara sy ny Malagasy ! Na te hanam-pototra sy liana amin’ny maha izy azy aza ny Malagasy, hamaky teny tsy fantatra ve ? Sa natokana ho an’ny sokajin’olona «sasany» ihany ny voka-pikarohana fa tsy mendrika izany ny valalabemandry ?
Raha tamin’ny vanim-potoan’ny fanjanahantany, mba azo leferina ihany raha amin’ny teny vahiny no mivoaka ny voka-pikarohana. Vazaha rahateo ireo nikaroka. Fa nanomboka tamin’ny nahazoan’i Madagasikara ny Fahaleo­van­tena, «hafahafa toy ny vazaha misalaka» raha mbola amin’ ny teny vahiny ny voka-pikarohana mivoaka ! Sa izay ve no mendrika ny Malagasy ?

HaRy Razafindrakoto

“Aleo atomboka amin’ny fiderana an’Andriamanitra ny taona vaovao”, hoy ny fanentanana. Tarika mpanao gospel malaza telo no hampiaraka ny talentany mba haha goavana ny “Tamatave Midera”…

«Midira eo amin’ ny vavahadiny amin’ny fisaorana, ary ao an –kianjany amin’ny fiderana”. Andian-teny ao amin’ny Soratra Ma­sina, nosafidiana manokana hitondrana ny “Tamatave Midera” io. Seho sy fiderana an’Andriamanitra, ankalamanjana ary ho goavana indrindra no tanjona amin’izany. Hotontosaina ny alahady 29 janoary izao, manomboka amin’ny 4 ora tolakandro, manoloana ny La Mairie Toamasina.
Goavana satria tarika mpivoy ny gospel telo, izay an­isan’ny malaza indrindra amin’izao fotoana izao no hiaraka an-tsehatra mandritra izany. Ny Meva Gospel, izay tarika teraka tao Toamasina ary misy mpikambana any an-toerana sy eto Antananarivo. Ny Tana Gospel Choir, izay anisan’ny efa ela indrindra anatin’ny fivoizana ny Gospel, ary ny Jaw’s Band, izay niaka-daza be nandritra izay dimy taona nisiany izay. Tsy vitan’izay fa olombelona manodidina ny 200 isa eo no hiara-hisalahy mandritra izany, ahitana ireo mpanakanto, mpandihy ary ny mpikarakara isan-tsokajiny.
“Hisy fiderana goavana be iarahana amin’ireto ekipa rehetra ireto. Anatin’ny fanomanana tanteraka izahay izao. Miara-manomana, miara-ma­merin-kira satria hiaraka hi­hira”, hoy i Heman, mpitarika ny Meva Gospel. “Tarika telo fa Andriamanitra iray ihany no deraina ka hanandratra ny voninahiny isika”, hoy kosa i Coach Fidy, mpitarika ny TGC. “Toamasina no hanombohantsika azy, fa hirariana hiparitaka manerana an’i Ma­da­ga­si­kara izany”, hoy i Jao, lehiben’ ny Jaws Band, namarana ny fanentanana. Efa nisy ny fitambaran-kira iray notontosain’ireto tarika ireto, entina hampahafantarana ity hetsika ity.
“Natao amin’ny toerana malalaka, mahazaka olona maro ary efa mahazatra ny eto Toamasina ity fiderana lehibe ity. Nahazo tombony manokana izahay hanombohana izany tetikasa goavana izany, satria tsy mora ny mampiaraka ana­ty seho iray ireto tarika telo samy manana ny maha izy azy eo amin’ny Gospel ireto”, hoy kosa ny filazan’ny mpikara­kara.

Zo ny Aina

Taorian’izay 15 taona tsy nahitan’ny mpankafy tenisy any Dubai an’i Rafael Nadal, mpilalao espaniola izay, hiverina hiatrika fifaninanana « Dubai Duty Free Tennis Cham­pionships » indray izy. Izany dia hotanterahina ny 27 febroary hatramin’ny 5 marsa. Araka ny vaovao, tamin’ny taona 2008 ny lehilahy no nanao ity fifaninanana ity farany.
Ankoatra izay, handray anjara ao koa i Novak Djokovic, mpilalao serbianina sy i Andrey Rublev, izay tompondaka farany tamin’ity fifaninanana ity. Marihina fa tsy afaka hilalao ilay espaniola Carlos Alcaraz, mitondra ny laharana voalohany amin’ny filaharan’ny ATP, noho ny ratra mahazo azy. Miverina amin’i Rafael Nadal, araka izany, ny laharana voalohany eo amin’ny ATP.
Tsiahivina fa taorian’ilay fihintsanan’i Nadal tamin’ny fifaninanana « Melbourne » izay natao tany Aostralia iny, nanoman-tena mafy ny lehilahy mba hanarenana ny lesoka.

Fitia (Mpianatra asa)

Les 32 matchs du Championnat d'Afrique des nations (CHAN) qui se dérouleront en Algérie du 13 janvier au 4 février et auquel les Barea participent pour la première fois de son histoire après sa participation historique à la CAN de 2019 seront diffusés sur la chaîne nationale, a confirmé hier, le directeur de la Télévision Malagasy (TVM), Nampoina Ranarivelo. Madagascar fait ainsi partie des 18 pays d'Afrique qui ont payé le droit de diffusion de ces matchs.
L'Etat prend en charge le droit de diffusion (...)

Les organismes internationaux multiplient les interpellations contre la situation alimentaire dans la partie Sud de la Grande ile. Dans une récente publication, l'ONU révèle que malgré l'amélioration généralisée de la situation de la sécurité alimentaire de la population des poches de vulnérabilité et de malnutrition persistent. 19 districts de quatre à cinq régions affichent une situation de crise. Les districts d'Amboasary-atsimo, Ambovombe-androy, Ampanihy et Bekily pour le Grand Sud et de Befotaka (...)

I Lefitriniaina Henry Rinauld na Takko, mpilalao tenisy ambonin’ny latabatra (TAL) lehilahy, an’ny Jo­vena Analamanga sy i Ra­ko­tondrazaka Océane, mpilalao TAL vehivavyn’ ny CJSI Toamasina no nahazo ny tapakila misidina, hiofana any Chine. Tsiahivina fa izy ireo no tompondakan’i Ma­dagasikara, taona 2022, amin’ ity taranja ity ho an’ny sokajy 1ère série, rehefa avy nanao ny lalao famaranana, omaly. Izay notanterahina tao amin’ny kianja Palais de Sport Mahamasina.
Raha iverenana ny lalao famaranana nataon’izy ireo, lavon’i Takko tamin’ny seta 3 no ho 1, Randrianatoandro Mahefa Luciano, mpilalao an’i Acacia Analamanga. Resin’i Océane, tamin’ny seta 3 sy 2 kosa i Dimbi­miarilanitra Harena, mpilalao an’i Acacia Analamanga ihany koa. «Azo lazaina fa efa mivoatra ny mpilalao, isan’izany ny nandavoan’i Océane an’i Tiana, tompondaka farany, teo amin’ny 1ère série vehivavy, tamin’ny lalao manasa-dalana. Mbola hisy fifantenana farany hahafatarana ireo mpilalao enina handrafitra ny ekipa nasionaly hanao ny lalaon’ny Nosy (JIO 2023)», hoy ny Tale teknika nasio­naly.
Marihina fa ankoatran’izy mianadahy, mbola misy mpilalao 6 hiaraka amin’izy ireo amin’io fiofanana any Chine io. Izany dia natao hampitomboana ny fahaizan’ireo mpilalao, hanao ny lalaon’ny JIO 2023, izay hotanterahina eto amintsika, ny volana Aogositra.

Fitia (Mpianatra asa)

Nisongadina ny mpikatroka avy amin’ny ligin’Analamanga, teo amin’ny fifaninanam-pirenena, taranja Tae-kwon-do WT. Saika noraofin’izy ireo avokoa ny medaly volamena, teo amin’ny ady “kyorugi” izay nifanandrinana.

Voalohany ny ligin’ Ana­lamanga, teo amin’ny fiadiana ny ho tompondakan’i Madaga­sikara, taranja Tae-kwon-do WT. Fifaninanana, notanterahina tany amin’ny kianja mitafon’i Soavita Toama­sina, ny alakamisy ka hatramin’ny asabotsy 7 janoary lasa teo. Nandrombaka medaly volamena miisa 79 izy ireo, tamin’ny ady na “kyorugi”. Anisan’ny nanjakan’izy ireo, ny teo amin’ny sokajy zandriny.
Anisan’izany ny teo amin’ny “poussins”-16 kg; -19 kg, -21 kg. Torak’izany ny teo amin’ny “pupilles” lehilahy izay lasany avokoa ny sokajin-danja rehetra. Na izany aza, nobodoin’ny mpikatroka avy any Atsinanana kosa ny sokajy “Cadet”-37 kg, izay norombahin’i Lai Fleuro Toandro. Toy izany koa ny “junior” -45 lehilahy, ka nahavoahosotra an’i Nordin Fredino, ny maha tompondakam-pirenena azy.
Manana ny ho aviny tokoa ny mpikatroka avy any Atsinanana satria mbola izy ireo ihany koa no nahazo ny teo amin’ny “senior” lehilahy -54 kg, tamin’ny alalan’i Njakarimanana Ner­son. Tsy nivoaka an’i Toamasina koa ny medaly volamena, ho an’ny -74 kg, lehilahy ihany, izay azon’i Mialisata Michou. Toy izany koa ny sokajy -87 kg, ta­min’ny alalan’i Etienne Claré Ulrick, izay tsy nisy mpifanandrina.
Adin’ny samy Anala­manga kosa ny teo amin’ny -80 kg ka voahosotra ho tompondaka, i Stephane Lark­ham, avy amin’ny klioba Lion rehefa nandresy an’i Mirija Manohisoa, mpikatroka avy amin’Iarivo TKD.
Tsiahivina fa tsy nisy ny sokajy “senior” vehivavy, tamin’ity. Raha tsy misy ny fiovana hivoaka ny faran’ny herinandro ho avy izao, ny anaran’ireo handrafitra mialoha ny ekipam-pirenenana, hanomana ny Lalaon’ny Nosy (JIOI 2023). Voaho­sotra ho mpiady mendrika teo amin’ny vehivavy, Ra­ma­nandraisoa Mendrika Fi­faliana Sanyah (Atsinanana) sy Rakotobe Steve (Dyna­mic Analamanga), ho an’ny lehilahy.

Torcelin

Nanomboka, omaly alahady, ny ekipan’ny Jirama no nanolo ireo fitaovana bakoly « isolateurs », mitazona ny taribin-jiro, mampita ny herinaratra avy eny Ambohima­nam­bola mankany Antsirabe ao anatin’ny tambajotra iraisan’Antananarivo (RIA). Ha­na­tsara ny tambajotra mpitsinjara herinaratra izany, hampihenana ny fahatapatapahan-jiro amin’iny zotra iny.
Ankoatra izany, mandeha koa ny fanadiovana ny rano ao amin’ny toby Mandroseza II, hanatsarana ny kalitao. Ma­romaro ny dingana atao, ka mety haharitra ny asa. Hiteraka fikorontanana amin’ ny famatsian-drano eto an-dRenivohitra sy ny manodidina izany.

Njaka A.