Hiatrika ny fifanintsanana “Mondial 2026”, hihaonana amin’i Centrafrique, ny ekipa nasionaly malagasy, Barean’i Madagasikara, anio. Hiezaka ny hahazo isa telo izy ireo, mba hanana tombony kokoa.

Tonga ity ny fotoana! Hia­trika ny lalao ifanintsa­nana amin’ny “Mondial 2026” indray ny Barea, anio, any Maroc. Hifanandrina amin’i Madagasikara, amin’izany, i Centrafrique, fihaonana izay tanterahina ao amin’ny Kianja Larbi Zaouli Casablanca. Hie­zaka ny hitady isa telo indray ny Malagasy. Ny hanatsarana hatrany ny vokatra efa azon’ ireo Barea A’, nandritra ny “Chan 2024” iny no tanjona.
Tsara marihina fa mbola manala vela amin’ny Mala­gasy mpilalao i Centrafrique. Teo amin’ny lalao mandroso, lavon’ny Barea, tamin’ny isa 4 no ho 1, ry zareo. Tsara ny mampahafantatra fa mpilalao 23 no nantsoin’ny mpazanatran’ny Barea, i Corentin Mar­tins. Nisongadina tamin’izany ny fahatongavan’i Andy Pel­mard, vodilaharana milaravina­hitra ao amin’ny Clermont Foot, divizionina faharoa ao Frantsa, sy ireo mpilalao Barea A’. Ireto farany izay nahazo ny medaly volafotsy tamin’ny fifanina­nana “Chan 2024” farany teo. Ahitana an’i Bono sy i Nicolas, vodilaharana, i Toldo, mpiandry harato. Miampy an’i Mami­soa, mpilalao afovoany.
Ankoatra izy efatra mirahalahy ireo, misy mpilalao telo hafa koa amin’ity Chan ity, nan­tsoin’ity teknisianina ity. Ani­san’izany i Tony sy i Lalaina ary i Rado.
Tsara marihina fa laharana fahatelo ny Barea ao amin’ny vondrona “I” misy azy, ary mi­tana ny isa 10, taorian’ny lalao rehetra nataony. Ny 8 septambra ho avy io, hifandona amin’i Tchad, ny Malagasy, fihaonana izay hatao any an-toerana ihany.

Fitia Randria

Raha ny hita teny an-toerana, miisa dimy ny kahie hita anaty fonosana, izany hoe, 6 000 Ar ny vidin’ny iray. Jifaina 14 000 Ariary eo kosa ny fonosana amin’ireo kahie kely, izay ahitana 10 isa ny ao anatiny. Izany hoe, 1400 Ariary izany ny singany iray. Ankoatra ny taratasy fanoratana, amidy iray alina Ariary ny pensily hazo maro loko, raha toa ka valon-jato Ariary ny fividianan’ny olona ny penina iray. Amidin’ireo mpisehatra amin’ity fivarotana fitaovan’ny mpianatra ity 5 000 Ar hatramin’ny 18 000 Ar kosa ny fitaovana fanipihana.
« Afaka herinandro eo, hiditra hianatra amin’izay ny kilonga. Ho ahy manokana, telo ny zanako ary izao aho vao mividy ny fitaovana entin’izy ireo manovo fahalalana any an-tsekoly», hoy ny renim-pianakaviana iray, teny an-tsena, omaly. Marihina fa saika amin’io herinandro ho avy io avokoa ireo mpianatra eto an-dRenivohitra no hiditra.

Mitombo ny isan’ny mpivarotra, mihena ny mpanjifa …
Tsikaritra nandritra ny fanadihadiana natao fa nihena ny isan’ireo manjifa fitaovam-pianarana. Raha ny fanazavana azo avy amin’ireo mpisehatra amin’izany. Maro ny olona mividy ny fitaovan’ny mpianatra saingy miparitaka any amin’ireo mpivarotra sa­sany izy ireo, noho ny hamaroan’ny olona lasa manao io asa io, ankehitriny. « Raha tamin’ny taona lasa, tsy dia nanana fotoana firy ihinanana sakafo izahay noho ny hamaroan’ny olona manjifa. Saingy tamin’ity taona ity, hita hoe efa miparitaka manerana an’ireo mpivarotra samihafa ety an-toerana ny olona», io ny nambaran’ny mpivarotra iray eny an-toerana. Tsy manome tsiny ny zava-misy moa izy ireo, satria efa hita taratra ankehitriny ny fahasahiranan’ny olona. « Raha ny hoe resaka olana mahakasika amin’izay aloha, tsy dia idiranay lalina loatra, hiaraha-mahalala ny zava-misy amin’izao fotoana izao, samy mitady sy mamelon-tena avokoa ny rehetra, ka tsy tokony hifanome tsiny », hoy ity mpivarotra ity.

Mbola sarotra …

Tena mbola mipetraka ho olana ny fampidirana mpianatra. Antony, tsy mitsahatra miakatra ny vidin’ny fitaovana ilaina amin’izany nefa ny karama tsy misondrotra, raha ny fanazavan’ny raim-pianakaviana iray teny Analakely. « Ho anay ray aman-dreny, tsy azo atao ambanin-javatra ny fampidirana ny zaza satria ny hoaviny iray manontolo. Midika izany fa tsy maintsy atao lohalaharana avokoa ny fitaovana ilain’izy ireo any am-pianarana. Anisan’ny mampirisika ny zaza hianatra tsara ny fahazoany fitaovana tsara rehefa hiditra hianatra izy », hoy hatrany izy. Matetika tsy vitan’ilay karama iray volana ny mampiditra mpianatra fa mbola mindram-bola any amin’ny Banky na mitady lalam-bola hafa ankoatran’ilay karama. Ny vidin’ny hatsembohan’izy ireo, anatin’iray volana moa, efa voatsinjara avokoa. Anisan’izany ny sakafo, ny saram-pitaterana mandritra ny iray volana manaraka, ny hofan-trano, ny vidin-jiro, ny gouter an’ny ankizy. Mangataka ny fanjakana mba hijery akaiky ny resaka mahakasika io fitaovam-pianarana io izy ireo. Nohamafisiny hatrany fa tokony hisy ny fanampiana faobe ary mitovy avokoa ny fari-piainan’ny olona, amin’izao fotoana izao. Matetika moa, ity volana aogositra ity, somary mifantoka amin’ny fampidirana mpianatra avokoa ny ankamaroan’ny olona.

Nanatontosa : Fitia Randria

Taorian’ireny vokatra tsara azon’ny Barea A’, nandritra ny “Chan 2024” ireny, noraisin’ny orinasa Yas teny Andraharo izy ireo, omaly. Ho fankasitrahana ny ezaka vitan’izy ireo, nisy ny fanolorana tambin-karama “prime” sy finday ho an’ny mpilalao sy ny staff ekipam-pirenena malagasy.
Tsara ny mampahatsiahy fa nisalotra ny medaly volafotsy ny Barean’i Madagasikara, tamin’ity taom-pilalaovana ity, ary tsy nitsanga-menatra ta­min’ireo lalao rehetra nataony.
Ny taona 2008, nanomboka nanohana ny baolina kitra malagasy ny Telma, izay niova ho Yas ankehitriny. Taorian’ny medaly alimo azon’ ireo Malagasy mpilalao nandrafitra ny Barea Chan 2022, notoloran’ny Yas lelavola 4 tapitrisa Ariary sy finday avo lenta vaovao Samsung S22 sy A22 avy izy ireo sy ny staff tamin’izany fotoana izany.
Tsy voafaritra mazava ny vola azon’ny Barea tamin’ity taona ity na ny marik’ilay finday azon’izy ireo aza, tsy nampahafantarina an’ireo mpanao gazety teny an-toerana. Nilaza moa ny Yas Ma­dagascar fa vonona hatrany ry zareo hanohana ny baolina kitra eto an-toerana. Maro dia maro ireo mpiasan’ny Yas nanao fiaraha-maka sary tamin’ireo maherifo nitondra avo ny voninahi-pirenena ireo.

Fitia Randria

Nanatanteraka fiofanana ho an’ny Maître de salle ny ligin’ny Karate-do Anôsy, ny faran’ny herinandro teo. Fiofanana notarihin’ny mpanazatra iraisam-pirenena, Shihan Georges Hafizou, sy ireo mpanazatra nasionaly. Nisy ny fanolorana mari-pankasitrahana taorian’ny fiofanana.

Hotanterahina ao amin’ny Lapan’ny fanatanjahantena Mahamasina, ny 4 hatramin’ny 14 septambra izao, ny fiadiana ny tompondakan’i Madagasikara N1A “élites 8”, dingana faharoa sy farany, taranja basikety. Anio 3 septambra kosa no hanatanterahana ny fivoriana ara-teknika mahakasika ny fifaninanana.

Hotontosaina ny 21 septambra izao, eny amin’ny Kianja mitafon’i Mahamasina, ny fifaninanana “MuayThai Tournament”, andiany faharoa, taranja Muay Thai. Fifaninanana karakarain’ny klioban’ny GISL, eo ambany fiahian’ny Federasionina malagasin’ny taranja Muay Thai.

Klioba manomboka mametraka ny anarany eo amin’ny sehatra nasionaly ny NBE (New Basket Evolution) Analamanga. Ho an’ny taom-pikatrohana 2025, tsara ny vokatra ho azy ireo, satria tompondakan’i Madagasikara teo amin’ny sokajy latsaky ny 20 taona, sokajy lehilahy, izay natao tany Arivonimamo ary tompondakan’i Madagasikara lefitra, teo amin’ny sokajy latsaky ny 16 taona, lehilahy, izay natao tany Toamasina. Ny fitsipika, ny fanomanana ara-batana sy ara-tsaina no tombony lehibe nananan’ny mpilalao ka nahazoana ny fandresena, araka ny nambaran’ny mpanazatra, Njatonirainy Jean Tiana. Nanamafy ihany koa ny filohan’ny Klioba, Razanadambo Tania, fa misy ny fototra nampita ta­min’ireo mpilalao ka nampiharin’izy ireo teny ambony kianja. “Mitaiza ny tanora handeha amin’ny lala-mahitsy sy marina, tsy hirona amin’ny zava-mahadomelina ary ho olom-banona ny NBE”, hoy ny nambaran’ity filohan’ny klioba ity. Tsiahivina fa mamolavola ankizy manomboka amin’ny U10 hatramin’ny U20 ny NBE ary manodidina ny 250 eo ny isan’ny mpilalao ao aminy hatreto. Nisy ny lanonana natao, omaly, noho ny nahazoana izao vokatra tsara izao.

Mi.Raz

Nisongadina ny atleta avy amin’ireo ligim-paritra nandritra ny fifaninanam-pirenena ho an’ny taranja atletisma, ny faran’ny herinandro teo. Norombahin’izy ireo avokoa ny amboara ho an’ireo atleta mendrika. Lasan’i Flaurentine ho an’ny vehivavy ary i Eric Justin, teo amin’ny lehilahy.

Tontosa teny amin’ny Kianja Alarobia, ny 29 hatramin’ny 31 aogositra lasa teo, ny fifaninanam-pirenena, taranja atletisma “sur piste”, sokajy rehetra. Fi­haonana nokarakarain’ny Fe­derasionina malagasin’ny atletisma (FMA). Nisongadina ny zava-bitan’ireo avy any amin’ny faritra. Voahosotra ho atleta mendrika ho an’ny vehivavy Razanamandroso Flau­rentine, avy amin’ny klioba Caf Matsiatra Ambony ary i Eric Justin, avy ao amin’ny Ajat Atsimo Andrefana, teo amin’ny lehilahy.
Niavaka ny zava-bitan’izy mianadahy ireo, na tsy nisy aza ny zava-bita montsana tamin’ity.
Ho an’i Flaurentine, nahavikina 6,08 m izy teo amin’ny vikin-dava ary nahazo isa 1004. Ny an’i Eric Justin indray, vitany tao anatin’ny 10 s 5 % ny 100 m. Nahazo isa 1040 ny tovolahy.
Na teo aza ireo, mbola notazomin’ny ligin’Anala­manga ny laharana voalohany, tamin’ny fandrombahana ny medaly volamena. Fa­haroa, Atsimo Andrefana ary fahatelo i Matsiatra Ambony. Nambaran-dRaherison Domi­nique, filohan’ny Federasio­nina FMA, tonga nanatrika ny fiadiana ny ho tompondakan’i Madagasikara, fa mahavelombolo ny vokatra. Maromaro ny fe-potoana nihatsara na tsy mbola nisy aza ny montsana. Nisongadina ny zava-bitan’ireo atleta zandriny, indrindra fa ireo avy any amin’ny ligim-paritra.
Nahatonga atleta avokoa tamin’ity fifaninanam-pirenena ity, ireo ligim-paritra miisa 14. Nahitana mpifaninana daholo ny “épreuves” rehetra. Din­gana manaraka ho an’ny federasionina ny fiatrehana ny fiadiana ny ho tompondaka maneran-tany, hatao any Japon, ny 13 ka hatramin’ny 21 septambra, ka hisolotena an’i Madagasikara amin’izany i Fiadanantsoa Sidonie, hihazakazaka ny 100 m misy fefy.

Tompondaka

Anisan’ny nivoitra tamin’ny fampianarana nentin’ny filoha teo aloha eo anivon’ny FJKM, ny Dr Andriamahazosoa Irako, ny momba ny fanarenana ny firenena. Nahitsy ny nambarany tamin’izany tetsy Ambatonakanga.

Niompana amin’ny fanamarihana telo samihafa ny teny fampianarany tamin’ny fotoam-pivavahana nanokafana ny faha-10 taon’ ny Hetsika Rohy, ny herinandro teo. Nambarany fa ilaina ny fanovana olona fa tsy ny rafitra. « Olom-baovao ihany no afaka manavao », hoy izy. Anisan’ny tafiditra ao anatin’ ny fanarenana izany. Eo koa anefa ny fanankinana amin’ Andriamanitra ny fiainam-pirenena na ho an’ny vahoaka izany na koa ho an’ny mpitondra. Ilaina fanovana olona sy ny fifantohana amin’ny tombon­tsoa iombonana. Tsy azo ihodivirana amin’izany ny fampitoviana ny vahoaka, araka ny nambarany hatrany. Tsy tokony hisy, araka izany, ny fanomezana tombon-dahiny ny olona akaiky, toy ny fianakaviana, na namana.

Araka izany, nofintinina amin’ireo lohahevitra telo ireo ny ho fanarenana ny firenena na ny fananganana ireo rava eo amin’ny firenena.

Mbola marefo ny demokrasia

Nambaran’ny eo anivon’ny hetsika Rohy, tamin’ny alalan’ ny filohany, Andriamoraniaina Harijaona, fa mbola marefo ny demokrasia sy ny fametra­hana ny fifidianana. Mbola betsaka koa ny lesoka tokony hatsaraina. « Anisan’izany, ohatra, ny momba ny fifidia­nana. Tsy afa-misaina izany intsony ny olona noho ny fahasahiranana ka voarebireby sy vitan’ny anio fotsiny nefa sady voavidy izy ireo amin’izany », hoy izy. Nanteriny fa ilaina ny fanatsarana ny fifidianana iarahana amin’ny mpisehatra rehetra; na ho an’ny fanohe­rana na ho an’ny mpomba ny fitondrana, hijerena ny tombontsoan’ny Malagasy.

Synèse R.

“Tokony ho voafehin’ny lalàna hatrany ny mpanao gazety amin’ny fanatanterahany ny asany, fa tsy misy eo ambonin’ny lalàna. Eny, na tsy teratany ao amin’ny firenena: tokony hofehezin’ny lalàna eo amin’ny firenena iasany”. Io ny nambaran’ny filohan’ny Holafitry ny mpanao gazety, Rasoloarison Monica Harimbola, tao amin’ny haino aman-jery tsy miankina iray, omaly, ny amin’ny vahiny mpanao gazety miasa eto Madaga­sikara. Na aiza na aiza firenena iasany, ary na amin’ny sehatra inona na inona, fehezin’ny lalàna mifehy ny asa fanaovan-gazety ny mpanao gazety. Indrindra ny amin’ny tokony hanajana ny tandrohasina sy ny marinasa ny asa fanaovan-gazety, izay tokony ho fantatry ny mpanao gazety matihanina maneran-tany…
Momba ny tranga niseho tamin’ny vahiny mpanao gazety izay misolo tena ny orinasan-gazety vahiny miasa eto Mada­gasikara dia tsy mpikamban’ny OJM, na tsy mandrara an’izay aza ny lalàna. Misy amin’ireo solontenan’ny orinasa vahiny no mangataka karatry ny OJM, rehefa mahafeno fepetra takin’ny lalàna malagasy dia mpikambana. Manampy azy ireo amin’ny fiarovana faritan’ny lalàna ho an’ny mpanao gazety amin’ny fanatanterahany ny asa fanaovan-gazety ny maha mpikam­ban’ny OJM azy. Ny amin’ny tranga niseho, tsy nangataka fanohanana tany amin’ny rafitra malagasy faritan’ny lalàna hampiroborobo ny asa fanaovan-gazety eto Madagasikara ilay mpanao gazety miasa amin’ny orinasan-gazety vahiny.

R. Nd.

Mahaliana sy efa ma­hazo vahana eto Ma­dagasikara ny fiompiana ireo karazam-biby hafakely tsy fahita firy, na miala amin’ny mahazatra. Misy mi­hitsy ny manao izany ho asa fivelomana efa tao anatin’ny taona maro. Mahasarika ny maro miompy azy ireny noho ny fananan’ireo biby endrika miavaka, tsy mitovy amin’ny fiompy mahazatra. Tia miompy izany ny olona nanaovana fanadihadiana satria manin­tona maso sy mitondra fifa­liana ary manala rarintsaina izy ireny, amin’ny ankapobeny. Mahasarika ny mason’ny olona ihany koa, indrindra rehefa any amin’ny fampirantiana. Ankoatra izay, biby mora ompiana sy tsy mitaky toerana lehibe. Etsy ankilany, fialamboly sy manala adin-tsaina ho an’ny olona ihany koa ny fiompiana ny biby hafakely ka an­tony hanaovany azy. Mora mi­tombo taranaka ihany koa izy ireny, raha tsara karakara sy tia azy ny tompony. Maro amin’ ny mpiompy no tia mampiasa vola aminy satria anisan’ny biby fiompy somary lafo izy raha oharina amin’ny hafa.
Efa niompy efa hatramin’ izay ireo ray aman-drenin’i Radoniaina ka antony nahatonga azy hiompy, raha ny fanazavany. “Teraka sy lehibe tao anatin’ny fiompiana sy fambolena, ka lasa tia sy nankafy izany manokana”, hoy izy. Niainga tamin’ny fiom­piana akoho gasy sy bitro gasy ny nataon’izy ireo tany am-piandohana. “Mahaleo tena 100% amin’ny lafiny ara-bola ary tsy misy fanampiana avy any ivelany fa miezaka manodina ny eo an-tanana », hoy ihany izy. Rehefa maha­kasika ny fahasalamana ihany vao miara-miasa amin’ny mpi­tsabo biby.

Fitrandrahana ireo biby an’ala

Niezaka nitrandraka sy nikaroka mba hampivoarana ny fiompiana nentim-paharazana taty aoriana, ary nanafatra karazam-biby vaovao, hafa kely tsy fahita andavanandro. Mahafinaritra ary tena anka­fiziny ny fiompiana ireo karazam-biby ireo. Anisan’izany, ny Géant de flandre, bitro avy any Bélgique. Anisan’ny bitro vaventy indrindra, satria ma­hatratra hatramin’ny 8 kg eo ny lanjany, ao anatin’ny 7 vo­lana. Ompiana manokana ho naman’ny olombelona na an­tsoina hoe (animaux de compagnie) izy ireny. Miala amin’ ny fiompiana saka sy alika mahazatra ny olona ary ma­nolo izany ho bitro. Ankoatra izay, manala rarintsaina ny fahitana ireo karazam-biby ireo ka anisan’ny tsy ahafoi­zany azy, raha ny fanazavany hatrany. Ankoatra izay, biby miaina sy mivelona anaty ala avokoa ireo karazam-biby ompiany ireo. Amin’ny ankapobeny, tsy tia mihidy ary tsy mety ompiana anaty trano fa mila toerana malalaka ikarenjeny. “Ezahina arahina sy fenoina araka ny tokony ho izy ny sakafo, ny fikarakarana rehetra ilainy sy mahafeno ny zavatra takian’ireo biby mba hahitana vokatra », hoy hatrany izy. « Mila fitiavana be ihany koa ny karazam-biby ompiany ireo », hoy izy nanamafy. Mi­lamina sy mamokatra tsara izy ireo rehefa feno sy tanteraka ireo fepetra rehetra ireo.

Asa mila fikirizana

Ilana fikirizana sy fitiavana ny fiompiana ireo biby hafa­kely ireo. Mitovy amin’ny fiompiana biby mahazatra ny maro ihany koa izany. Asa tsy tapaka ny fiompiana. Mila olona tsy miangitraingitra ihany koa satria tsy maintsy diovina ny toe­rana fonenan’ny biby. Esorina ny fako, omena sakafo sy rano, arahi-maso ny fahasalamany sy ny maro hafa. Tsy mahomby ny fiompiana raha tsy mahavita ireo ny mpiompy iray.

Faharoa, mila olona tia an’ilay biby ihany koa. Lasa fialamboly hoazy rehefa ela ny ela. Mitaky asa 24 /24 ora, ary 7/7 ny asa, ary na andro na alina. Tsy maintsy eo foana ny olona amin’ny fikarakarana ny biby fiompy fa tsy azo avela tsy mihinan-kanina satria mamono sy mampihena ny vokatra izany. Ahitam-bokatra foana ny asa iray rehefa tiana sy akafizina na mamizana sy mafy tahaka ny inona aza.

Nanatontosa : Mino

Hotanterahina ny 12 oktobra izao, eny amin’ny Lapan’ny fanatanjahantena Mahamasina, ny “Madagascar International BJJ”, taranja Jiu-jitsu Breziliana. Ady goavana indrindra amin’ity taona ity io fifaninanana io. Misokatra ny 8 septambra izao ny fisoratana anarana ary mifarana ny 6 oktobra.

Tontosa ny faran’ny herinandro teo ny fifaninanana rezionaly ho an’ny ligin’i Boeny, taranja karate. Tao amin’ny Dojo GSM Marolaka no nanaovana izany ary ny ligin’i Boeny no nahavita ny azy voalohany. Hanatanteraka izany amin’ity volana septambra ity avokoa ny ankamaroan’ny ligy hafa.

Ny Judo club Esca no nahazo ny laharana voalohany nandritra ny “Tournoi de Capricorne”, taranja Judo, natao tany Toliara, ny herinandro lasa teo. Klioba sangany eto Madagasikara ity klioba ity ary tsy mbola lefy laza hatreto, nandritra ny fifaninanana rehetra natrehiny.

Notanterahina ny alahady lasa teo, teny amin’ny Kianja Makis Andohatapaneka, ny lalao manasa-dalana hiadiana ny ho tompondakan’i Mada­gasikara, taranja rugby, sokajy vehivavy D1. Nivoaka ho mpandresy ary hiatrika ny famaranana ny SCB Besarety sy ny RCTS Soavimasoandro. Anisan’ny fihaonana nandrasan’ny maro ny an’ny Besare­ty sy ny FTFA Antohomadi­nika. Tamin’ny isa tery, 15 no ho 13 no nisarahan’ny roa tonta. Niady ny lalao ary nifamaliana hatramin’ny farany ny fanafihana teo amin’ny ireo mpikatroka.
Fileovana anisan’ny misongadina indrindra eto Ma­dagasikara ny roa tonta, ary ahitana ireo mpilalao mandrafitra ny Makis de Madagascar. Anisan’izany ry Jinah kely sy i Ericka ary Yvanah ho an’ny Besarety raha i Sosoa sy i Nandrianina miampy an’i Grande sy i Mialy kosa no ao amin’ny FTFA. Nifampitana tamin’ny tanjaka ny andaniny sy ny ankilany. Nampiseho ny fahaiza-manaony ireo mpilalao isanisany. Efa tany amin’ny fiafaran’ny fotoana vao nivoaka ho mpandresy ry Jinah kely tamin’ity. Hifanan­drina amin’ny RCTS Soavima­soandro, tarihin-dry Vero sy Vachily ary Sophie, nandresy ny FTM Manjakaray, tamin’ny isa 29 no ho 25 izy ireo.
Teo amin’ny lehilahy indray, tsy mbola afa-bela tamin’ny Cosfa (Bebaoty), ny Tam Anosibe. Tamin’ny isa 56 no ho 31 no nisarahan’ny roa tonta. TFA Anatihazo indray resin’ny FTM, tamin’ny isa 39 no ho 34.

Tompondaka

Ça y est, ils l’ont fait. Ils, ce sont les Barea. En dépit des appréhensions lors de l’annonce de l’équipe avant le départ pour cette compétition, les joueurs ont tout donné et ont réussi à faire taire les polémiques. Aujourd’hui, tout le monde a vite oublié qu’avant le départ, rien n’était acquis. Les résultats sont désormais là. Après la présentation au stade de Mahamasina, une autre cérémonie, plus institutionnelle, s’est tenue hier à Iavoloha, au cours de laquelle le groupe a été reçu par le Chef de l’Etat. Comme quoi, les résultats peuvent faire taire les critiques à tout moment et que le travail paie toujours.
Dans le même registre de fierté nationale, une autre page de l’histoire s’écrit avec le retour du « Kabeso » du roi Toera, souverain sakalava du Menabe, et de ses deux fidèles guerriers, récemment restitués depuis Paris aux autorités et à ses descendants. Une restitution d’une importance capitale, aussi bien sur le plan symbolique qu’historique, car elle vient refermer une blessure ouverte depuis le début de la colonisation.
Tout ceci pour dire que la fierté nationale se construit aussi par des actes concrets. Les Barea ont montré, ballon au pied, qu’avec de la persévérance et de la discipline, on peut surprendre et aller au-delà des attentes. De leur côté, les autorités, par leurs démarches diplomatiques, ont également démontré que Madagascar peut se hisser au niveau des grandes nations, que ce soit dans le sport ou dans la valorisation du patrimoine.
Car il faut bien souligner que si les Barea brillent aujourd’hui, c’est aussi parce qu’il y a eu des efforts en amont. Les clubs ont fait un choix judicieux d’investir dans cette équipe et de croire au potentiel des joueurs. De la même manière, la restitution du « Kabeso » n’est pas arrivée par hasard. Elle est le fruit de longues négociations et d’une volonté ferme de réhabiliter l’histoire nationale.
Ces deux événements, à première vue différents, se rejoignent sur un point commun : ils réveillent chez les compatriotes une fierté profonde.  Alors, oui, les critiques reviendront sans doute demain. Mais aujourd’hui, place à la fierté. Fierté pour les Barea, qui portent haut les couleurs nationales. Fierté pour nos ancêtres, dont la mémoire est honorée et respectée.

 Rakoto

Lors de la cérémonie de lever du drapeau à l’Assemblée nationale, hier , le Vice-président Augustin Andriamananoro a confirmé l’avancée des préparatifs pour le sommet du Comité exécutif du Parlement régional de la Sadc, prévu en novembre à Madagascar, marquant une étape diplomatique et politique majeure pour le pays.

Le Vice-président a déclaré : « Les préparatifs pour le sommet avancent comme prévu et nous mettons tout en œuvre pour accueillir dignement cet événement international ». Il a précisé que le sommet se déroulera parallèlement à la deuxième session ordinaire de l’Assemblée nationale, ce qui souligne le rôle politique et diplomatique de Mada­gascar dans la région.
Madagascar assurera la présidence de la Sadc pour la période 2025–2026, à l’issue du 45e sommet, témoignant de la confiance accordée par les Etats membres et nécessitant une préparation rigoureuse sur tous les plans.
Augustin Andriamana­no­ro a également indiqué que ce rendez-vous constituera « une opportunité de renforcer le dialogue politique et la contribution de l’Assemblée nationale aux affaires régionales », permettant au pays d’affirmer sa place et sa vision diplomatique sur la scène africaine.
Il n’a pas manqué de féliciter l’équipe nationale Ba­rea et son coach pour leur performance lors du Chan 2025, qui a permis à Mada­gascar de décrocher le titre de vice-champion d’Afrique.
Le message essentiel de cette cérémonie reste néanmoins clair : les préparatifs pour le sommet de novembre avancent, et cet événement marquera une étape décisive dans le renforcement du rôle politique et diplomatique de Mada­gascar, notamment dans le cadre de sa présidence actuelle de la Sadc.

S.A

Hier, la ministre de l’Emploi, du travail et de la fonction publique, Hanitra Fitiavana Razakaboana, a reçu l’Ambassadeur de l’Inde à Madagascar, Bandaru Wilson­babu, pour renforcer la coopération avec le Centre national pour la bonne gouvernance (NCGG) en Inde. L’objectif vise à offrir aux fonctionnaires malgaches des compétences avancées afin de moderniser durablement l’administration publique.
Hanitra Fitiavana Razakaboana et Bandaru Wilson­babu ont échangé sur les actions concrètes déjà réalisées dans le cadre de cette coo­pé­ration, notamment le ren­forcement des capacités des fonctionnaires malgaches grâce aux programmes du NCGG. Une première promotion avait déjà suivi ce programme avec succès, et la deuxième est arrivée hier en Inde. Ces initiatives visent à générer des améliorations significatives dans la gestion administrative et à renforcer l’effica­cité des services publics.
Cette rencontre illustre la volonté du gouvernement de promouvoir une bonne gouvernance, tout en con­solidant les relations diplomatiques internationales. L’expérience acquise par les fonctionnaires malgaches devrait soutenir des ré­formes durables, améliorer les méthodes de travail et renforcer la qualité des services rendus aux citoyens.

S.A

Le ministre de la Décentralisation et de l’aménagement du territoire, Naina Andriantsitohaina, a tenu hier une réunion technique avec des spécialistes sectoriels de la Banque mondiale, actuellement en mission d’identification et de préparation du Projet de gestion des paysages terrestres et marins et des opérations innovantes dites « obligations lémuriens » à Madagascar.

La mission, conduite par Sachiko Kondo, spécialiste principale en gestion des ressources naturelles et chargée du projet, et Laza Rakotondra­soa, spécialiste en gestion des ressources naturelles et co-responsable du projet, a permis d’approfondir une vision commune sur la né­cessité de sécuriser les aires protégées, la planification des territoires avoisinants et l’accompagnement des communautés locales. Et dont le but est de les faire participer activement à la protection de l’environnement tout en favorisant leur propre développement ainsi que l’aménagement du territoire équilibré, con­ciliant développement local et préservation de la biodiversité.
Quelques mois auparavant, lors de sa visite à Ma­dagascar, Wendy Hughes, directrice des Infrastruc­tures pour l’Afrique de l’Est et Australe à la Ban­que mondiale, s’était entretenue avec le ministre Naina Andriantsitohaina. Leur échange avait porté sur l’aménagement territorial durable et inclusif, avec un focus particulier sur la deuxième phase du Projet de développement urbain intégré et de résilience du grand Antananarivo (Pro­duir). Ils avaient également discuté du soutien aux villes secondaires, afin de promouvoir un développement territorial harmonieux en collaboration avec les acteurs locaux du développement. Madagascar et la Banque mondiale entretiennent un dialogue renforcé.

F.M

Brillant lors du dernier Championnat d’Afrique des Nations (Chan), l’international malgache Lalaina Rafanomezantsoa n’est pas passé inaperçu. Auteur de deux buts et de quatre passes décisives, le milieu de terrain malgache s’est imposé comme l’un des joueurs les plus décisifs du tournoi. Ce parcours remarqué lui a ouvert les portes du Paradou Athletic Club, pensionnaire de la première division algérienne.
Le joueur quitte ainsi le Centre de formation de football d’Andoharanofotsy (CFFA), où il évoluait jusqu’à présent. Il rejoint le club algérien dans le cadre d’un prêt d’un an.
Le président du CFFA et également maire d’Andoharanofotsy, Henintsoa Rako­toa­rimanana, a confirmé que l’accord de transfert a été finalisé dans la nuit de dimanche. Il précise que les conditions du contrat sont avantageuses pour le joueur, tout en gardant confidentiels les aspects financiers.
Suite à cette annonce, la direction du CFFA, double vainqueur du championnat et de la coupe nationale en 2025, s’est rapidement mise en quête d’un remplaçant. Lalaina figurait parmi les renforts ciblés par Oelison Rafanomezantsoa pour renforcer l’équipe en vue de la prochaine campagne de la Ligue des champions africaine.
Ce transfert vers l’Algérie n’est pas une première pour un joueur malgache révélé au Chan. En 2023, Koloina Razafindranaivo avait lui aussi séduit plusieurs clubs grâce à ses performances et avait rejoint le ­Mou­loudia Club d’Alger. Toutefois, malgré un contrat jusqu’en 2026, il n’a pas réussi à s’imposer et son contrat a été résilié à l’issue de sa première saison.

Soafara Pharlin

Tsy tokony hisy adihevitra intsony… Mbola Raboussa irery, hatreto, no mpiangaly ny rap gasy nameno ny La­pan’ny fanatanjahantena Ma­hama­sina. Tsy voalohany izany, sain­gy mbola noporofoiny indray fa anisan’ireo mpanakanto sangany, be mpankafy ary tompon’ny rap gasy ny tarika. Tsy nisy no­diavina ny lapa, rakotr’ireo mpankafy izay efa misy sokajin-taona samihafa. Tsy nahagaga loatra, satria ivon’ny fa­namarihana ny 25 taona an-tsehatra ny seho omaly, ho­an-dRaboussa.
Matoa namaly antso ny mpankafy, avo lenta ny ara-javakanto. «Tonga indray, rehefa tsy hitahita teo ilay kaofiboay, hoy ny tononkira nampidirany ny fampisehoana. Anisan’ireo mpanao rap nampiditra mpitendry eny an-tsehatra Raboussa ary tombony lehibe sy anisan’ny antony maha tsy mety lefy laza azy izany. Niainana kokoa ireo hira, na ireo efa tranainy toa ny «tsiky sy tomany», « Alaiko sipa, alaiko vady», mandalo ny «ohatran’lah ihany za», «Aleo izy ho any», sns, hatramin’ireo taty aoriana.
Fotoana nafana indrindra tamin’ny fiarahana koa ny nampiakaran-dRaboussa ireo mpanakanto nasainy manokana. Voalohany tamin’izany ny tarika Da Hopp, izay anisan’ireo nisava lalana ny rap gasy teto amin’ny tanàna ihany koa. Nanaraka avy eo ry Sa­moela, izay nampiara-peo ta­miny nialoha ny nanaovany ny «Hafaliana». I Malala ‘Zay, niara-niredona ny «Hatramin’ izao» porofon’ny fifandraisana efa ela teo amin’ireto mpanakanto ireto. Teo ihany koa i Do B, tompondaka maneran-tany amin’ny Beat Box, izay vahiny tampotampoka, nameno ny sary maha raitra ny seho. Din­gana lehibe indray no vita ho an-dRaboussa sy ny SR Event, mpikarakara.

Zo ny Aina

Mitohy hatrany ny lalany. Voafantina hifaninanana amin’ny « All Africa Awards » na « Afrima Awards » indray mantsy i Denise. Vaovao lehibe nivoaka ny faran’ny herinandro teo, satria manaporofo fa misokatra ho an’ity mpanakanto ity ny tsenan’ny mozika iraisam-pirenena. Fandaharana ireo mpanakanto afrikanina mpanao mozika manana ny lazany izy ity. Nahatratra 10 717 ireo mpanakanto nifaninana, izay maro indrindra hatramin’ny niforonan’ny hetsika, nanomboka ny taona 2013. 343 tamin’ireo ihany anefa no tafakatra amin’ny dingana famaranana, izay mbola mizara anaty sokajy 40. Ilay hira “Matoky Zagnahary” no nalefan’i Denise nifaninanana, ka tafiditra anatin’ireo hira 10 milahatra anatin’ny sokajy “mpihira vehivavy mendrika indrindra” izy.
Araka ny fantatra, nosakajian’ireo mpitsara arakaraka ny mampiavaka ny forona, ny kalitao ary ny fiantraikany ara-kolontsaina no nisafidianana ireo hira nifaninana. Vehivavy mpihira afrikanina miisa 10, araka izany, no milahatra amin’i Denise. Tsiahivina fa efa nahazo ny voalohany tamin’ny sokajy “Révélation de l’année” tamin’ity fifaninana ity ihany koa i Shyn, ny taona 2017. Izy izay sady vadin’i Denise no mpanohana voalohany azy ao anatin’ny tontolon’ny mozika. Hisokatra ny 15 septambra izao ny fahafahana mifidy, izay hanentanana ny Malagasy maneran-tany. Hatao ao amin’ny tranonkala afrima.org izany.

Zo ny Aina

Nahitam-pahombiazana ny “Labdihy” andiany faha-11. Tontosa nandritra iny herinandro nivalona iny ity hetsika manokana ho an’ny dihy, nampivondrona indray ireo manan-talenta amin’ity sehatra ity. Natao omaly, tetsy amin’ny Cité des cultures Antaninarenina ny fampisehoana, nenti-namaranana ny hetsika, izay naka endrika famintinana ireo nitranga nandritra ny herinandro. Na­nasongadina ny talentan’ireo mpamorona soradihy sy ireo mpandihy, arakaraka ny lohahevitra izany.
Nisongadina i Valisoa Ramananjanahary. Anisan’irony “influenceur” malaza, fantatra amin’ny anarana hoe “Valisoa regarde le monde” izy. Nahazo pi-maso manokana tamin’ny mpitsara, nandritra ny andiany faha-6 tamin’ny « Influencers Awards Indian Ocean », fifaninanana izay nokarakaraina tatsy amin’ny Nosy Maurice mantsy i Valisoa. Maro ireo nifidy azy, saingy tsy nahazo ny laharana voalohany, fa nasongadin’ireo mpitsara.
Nahazo ny laharana fahatelo, tamin’ilay fifaninanana iraisam-pirenena « Pont vers le chinois », i Rochelli­nah Raïcha Nomenjanahary. Mpianatra ao amin’ny Institut Conficius, ao amin’ny Oniversiten’ Anta­nanarivo izy, izay nandray anjara tamin’ity fifaninanana miteny sinoa, ho an’ireo hafa firenena ity. Tanora efa an-tapitrisany no nandray anjara tamin’izany, izay avy amina firenena maherin’ny 170, nandritra izay 22 taona nisian’ny fifaninanana izay.